07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Ալիևը հաստատել է Ադրբեջանի նոր կառավարության կազմը
Քաղաքականություն
16.02.2024 | 15:36
Ադրբեջանի նախագահ Իլհամ Ալիևը հաստատել է նոր կառավարության կազմը։ Ըստ տեղական լրատվամիջոցների՝ կազմը մեծապես մնացել է նույնը։ Նոր կառավարության կազմում չեն ընդգրկվել միայն արդարադատության նախարար Ֆիքրեթ Մամեդովը և կրոնական կազմակերպությունների հետ աշխատանքի պետական կոմիտեի նախագահ Մուբարիզ Գուրբանլին։
Առաջին փոխվարչապետ է վերանշանակվել Յակուբ Էյուբովը, փոխվարչապետներ՝ Ալի Ահմեդովն ու Շահին Մուստաֆաևը։
Այսօր ավելի վաղ վարչապետի պաշտոնում Ալիևը վերանշանակել էր Ալի Ասադովին։
Միլլի Մեջլիսը հաստատել էր Ասադովին վարչապետ նշանակելու մասին Ալիևի առաջարկը։ Կողմ էր քվեարկել 105, դեմ և ձեռնպահ՝ մեկական պատգամավոր։
Փետրվարի 14-ին Ադրբեջանի կառավարությունը, ըստ Սահմանադրության 116-րդ հոդվածի, փետրվարի 7-ին կայացած արտահերթ նախագահական ընտրություններում հաղթած Իլհամ Ալիևի երդմնակալությունից հետո, հրաժարական էր տվել։
Էմմա Չոբանյան
