22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
ԱՄՆ-ը Հյուսիսային Կորեայից «մոտալուտ» պատերազմի նշաններ չի տեսնում
Քաղաքականություն
16.02.2024 | 23:21
Միացյալ Նահանգները Հյուսիսային Կորեայից «մոտալուտ» պատերազմի նշաններ չի տեսնում, չնայած վերջին ամիսների «անհավանական վտանգավոր» գործողություններին և ԱՄՆ-ի հետ դիվանագիտական բանակցություններից Փհենյանի հրաժարմանը: VOA-ի փոխանցմամբ՝ այս մասին լրագրողներին ասել է Պետքարտուղարության բարձրաստիճան պաշտոնյա Չունգ Փարքը, որը զբաղվում է Հյուսիսային Կորեայի հարցերով։
Փարքն ասել է, որ ԱՄՆ պաշտոնյաները «միշտ վերահսկում են Փհենյանի ցանկացած գործողություն» և կշարունակեն աշխատել Ճապոնիայի և Հարավային Կորեայի հետ՝ ուժեղացնելու զսպման միջոցները՝ ազդելու ռազմական գործողություններ ձեռնարկելու Հյուսիսային Կորեայի առաջնորդ Կիմ Չեն Ընի «մտքի» վրա:
«Սկզբունքորեն, չեմ կարծում, որ Կիմի դիրքորոշումը փոխվել է: Մենք չենք տեսնում որևէ ազդանշան, որը վկայում է ուղղակի գործողությունների, ռազմական գործողությունների մասին։ Այս պահին ես մոտալուտ կամ անմիջական հարձակման նշաններ չեմ տեսնում»,- ասել է Փարքը:
Այս շաբաթվա սկզբին Հյուսիսային Կորեան իրականացրել է այս տարվա հինգերորդ թեւավոր հրթիռի արձակումը։
