25.11.2024 | 16:10
Ադրբեջանի Մեջլիսի պատգամավորը Հայաստանի բյուջեն «ռազմականացված» է որակել
Ալի Ասադովը վերանշանակվում է Ադրբեջանի վարչապետի պաշտոնում
Քաղաքականություն
16.02.2024 | 11:06
Ադրբեջանի Միլլի Մեջլիսի այսօրվա նիստում քննարկվել է Ալի Ասադովի՝ վարչապետի պաշտոնում վերանշանակմանը հավանություն տալու հարցը։ Ադրբեջանական լրատվամիջոցների հաղորդմամբ՝ այդ պաշտոնում նրա թեկնածությունն առաջադրել է նախագահ Իլհամ Ալիևը։ Մեջլիսը հաստատել է Ասադովին վարչապետ նշանակելու մասին Ալիևի առաջարկը։ Կողմ է քվեարկել 105 պատգամավոր, դեմ և ձեռնպահ է եղել մեկական պատգամավոր։ Այժմ նշանակումը պետք է հաստատի Իլհամ Ալիևը։
Ալի Ասադովը վարչապետի պաշտոնը զբաղեցնում է 2019 թվականի հոկտեմբերի 8-ից։
Հիշեցնենք՝ փետրվարի 14-ին Ադրբեջանի կառավարությունը հրաժարական էր տվել՝ ըստ Սահմանադրության 116-րդ հոդվածի, փետրվարի 7-ին կայացած արտահերթ նախագահական ընտրություններում հաղթած Իլհամ Ալիևի երդմնակալությունից հետո։
Ադրբեջանի ԿԸՀ-ի տվյալներով՝ Ալիևը ընտրություններում հավաքել է ձայների 92,12 տոկոսը։
Ադրբեջանում ընտրություների քվեարկությունն ուղեկցվել է զանգվածային ընտրախախտումներով, որոնք արձանագրել են նաև ԵԱՀԿ/ԺՀՄԻԳ դիտորդական առաքելության ներկայացուցիչները։
Էմմա Չոբանյան
