13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Բաքուն Արցախի պետհամալսարանի գործունեությունը կազմակերպելու համար 10 մլն մանաթ է հատկացրել
Քաղաքականություն
15.02.2024 | 20:17
Ադրբեջանի նախագահ Իլհամ Ալիևը հրամանագիր է ստորագրել «Ղարաբաղի համալսարանի» գործունեությունը կազմակերպելու համար ֆինանսական միջոցներ հատկացնելու մասին։
Նշվում է, որ 2024 թվականի պետական բյուջեով նախատեսված պահուստային ֆոնդից 10 մլն մանաթ է հատկացվել Գիտության և կրթության նախարարությանը՝ համալսարանի գործունեությանը ֆինանսական աջակցություն ցուցաբերելու համար։
Հավելենք, որ դեռևս 2023 թվականի նոյեմբերի վերջին Ալիևը հրամանագիր էր ստորագրել «Ղարաբաղի համալսարան» ստեղծելու մասին։ Ըստ փաստաթղթի՝ Ադրբեջանի Գիտության և կրթության նախարարությանն առընթեր «Ղարաբաղի համալսարանը» ստեղծվելու է Ստեփանակերտում գտնվող բարձրագույն ուսումնական հաստատության հիման վրա։ Նշվում էր, որ կառավարությանը հանձնարարվել է երկամսյա ժամկետում հաստատել համալսարանի կանոնադրությունը և այդ մասին տեղեկացնել նախագահին, ձեռնարկել անհրաժեշտ միջոցները՝ համալսարանի գործունեությունը ֆինանսավորելու, ինչպես նաև ենթակառուցվածքային հարցերը լուծելու համար։
Իսկ ինչպես է էթնիկ զտման ենթարկված Ստեփնակերտում համալսարանի գործունեությունը ծավալվելու՝ այն դեպքում, երբ այնտեղ ոչ ոք չի բնակվում, դեռևս հայտնի չէ։
Էմմա Չոբանյան
