22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
Շոլցը շնորհավորել է Ալիևին և հայտնել Մյունխենի համաժողովում սպասվելիք հանդիպման մասին
Քաղաքականություն
15.02.2024 | 18:53
Գերմանիայի կանցլեր Օլաֆ Շոլցը շնորհավորել է Ադրբեջանի նախագահ Իլհամ Ալիևին փետրվարի 7-ին անցկացված արտահերթ նախագահական ընտրություններում հաղթանակի կապակցությամբ, գրում են ադրբեջանական լրատվամիջոցները։
«Շնորհավորում եմ ձեզ Ադրբեջանի նախագահի պաշտոնում վերընտրվելու կապակցությամբ։ Գերմանիան պատրաստ է շարունակել աջակցել Ադրբեջանին պետական ինստիտուտների արդիականացման և իրավական հզորացման գործընթացում»,- ասվում է Բաքվի կողմից հրապարակված Շոլցի շնորհավորանքի տեքստում։
Գերմանացի պաշտոնյան նաև ընդգծել է, որ ակնկալում է Ադրբեջանի նախագահի հետ հանդիպել Մյունխենի անվտանգության համաժողովում։
Նշենք, որ Մյունխենի անվտանգության համաժողովը տեղի է ունենալու փետրվարի 16-18-ը։
Հավելենք, որ նախօրեին տեղի է ունեցել Իլհամ Ալիևի երդմնակալության արարողությանը։ Ըստ ԿԸՀ-ի՝ Ալիևն ընտրություններում ստացել է ձայների 92,12 տոկոսը։
Ադրբեջանում ընտրություների քվեարկությունն ուղեկցվել է զանգվածային ընտրախախտումներով ու անցկացվել ոչ մրցակցային պայմաններում, որն արձանագրել են նաև ԵԱՀԿ/ԺՀՄԻԳ դիտորդական առաքելության ներկայացուցիչները։
