28.04.2026 | 17:08
ԱՄՆ դեսպանությունը ողջունել է Կարս-Գյումրի երկաթգծի վերագործարկման ուղղությամբ Հայաստանի և Թուրքիայի քայլը
Ինքնաթիռում ռումբ չի հայտնաբերվել. Քութայիսիի օդանավակայանն աշխատում է սովորական ռեժիմով
Քաղաքականություն
14.02.2024 | 18:50
Քութայիսիի միջազգային օդանավակայանը վերադարձել է բնականոն աշխատանքի, Բարսելոնա թռչող ինքնաթիռում պայթուցիկ սարք չի հայտնաբերվել։ Այս մասին հայտնել է Վրաստանի օդանավակայանների ասոցիացիայի գլխավոր տնօրեն Իրակլի Կարկաշաձեն, փոխանցում է Սպուտնիկի վրացական ծառայությունը։
«Քութայիսիի միջազգային օդանավակայանն ամբողջությամբ վերադարձել է աշխատանքի սովորական ռեժիմին, և մենք կշարունակենք ընդունել ինքնաթիռներ: Ոչ մի այլ թռիչք չի հետաձգվել»,- ասել է Կարկաշաձեն:
Հիշեցնենք, որ փետրվարի 14-ին ժամը 12:45-ին Քութայիսիից Բարսելոնա մեկնող Wizz Air ավիաընկերության ինքնաթիռը վերադարձել էր մեկնման օդանավակայան թռիչքից մոտավորապես յոթ րոպե անց՝ օդանավում պայթուցիկ սարքի մասին ավիաընկերության ստացած զանգի պատճառով: Բոլոր ուղևորները տարհանվել էին։
