07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Քննարկվել են Աբու Դաբիի «Լուվրի» և Հայաստանի թանգարանների միջև համագործակցության հնարավորությունները
Մշակույթ
14.02.2024 | 17:44
ԱՄԷ կատարած այցի շրջանակում ՀՀ ԿԳՄՍ նախարար Ժաննա Անդրեասյանն այցելել է Աբու Դաբիի «Լուվր» թանգարան․ տեղեկացնում են ՀՀ ԿԳՄՍՆ-ից։
Նախարարը շրջայց է կատարել թանգարանում, դիտել ցուցադրությունը, ինչպես նաև հանդիպել տնօրեն Մանուել Ռաբատեի հետ։
Տնօրենի հետ հանդիպման ընթացքում քննարկվել է Աբու Դաբիի «Լուվրի» և Հայաստանի թանգարանների միջև համագործակցության ընդլայնման, մշակութային և կրթամշակութային ծրագրերի իրականացման հնարավորությունը։
Նախարարն անդրադարձել է նաև Հայաստանում ներդրվող մշակութային հաստատությունների կառավարման նոր մոդելին։ Ձեռք է բերվել փոխադարձ այցեր կազմակերպելու, փորձի փոխանակման և համատեղ նախագծեր մշակելու պայմանավորվածություն։
Հանդիպման ընթացքում կողմերը քննարկել են հետաքրքրություն ներկայացնող մի շարք այլ հարցեր։
