12.09.2026 | 19:45
BRICS երկրները կաջակցեն բազմակողմ առևտրային համակարգին. Սի Ծինփին
Անձրևները կշարունակեն հեղեղել Անթալիան ևս մեկ օր
Քաղաքականություն
14.02.2024 | 20:23
Անցած 24 ժամվա ընթացքում Թուրքիայի Անթալիա քաղաքում եռամսյա տեղումների նորմայի չափով տեղումներ են գրանցվել, սակայն տարերային աղետն այսքանով չի սահմանափակվելու. օդերևութաբանների կանխատեսմամբ՝ անձրևները կշարունակվեն մինչև վաղն առավոտ, դրանք կուղեկցվեն կարկուտի և քամու ուժգնացումով, փոխանցում է vestikavkaza-ն։
Թուրքիայի աղետների հետևանքների վերացման վարչությունը (AFAD) մոտակա նահանգներից և շրջաններից աջակցության թիմեր է ուղարկել Անթալիա: Անթալիայում աշխատում է 360 հոգանոց թիմ և 426 կետով ջրահեռացում է իրականացվում։ Միաժամանակ, քաղաքի տարբեր շրջաններից տարհանվել է 989 բնակիչ, գրում է թուրքական Hurriet-ը։
Հիշեցնենք, որ Թուրքիայի Անթալիա հանգստավայրը հեղեղվել է հորդառատ անձրևներից և ուժեղ փոթորիկից հետո։
Համացանցում հայտնվել են կադրեր, որոնցում երևում է, թե ինչպես են փողոցներում բառացիորեն գետեր հոսում, տներն ու մեքենաները մնացել են ջրի տակ։ Հաղորդվել է նաև մեկ մարդու մահվան մասին։
Օդանավակայանում եղանակային անբարենպաստ պայմանների պատճառով թռիչքները որոշ ժամանակով դադարեցվել են, այժմ դրանք վերսկսվել են, սակայն չվերթներն իրականացվում են ուշացումներով։ Տարերային աղետի պատճառով երկրի հինգ շրջաններում դադարեցվել է դասապրոցեսը։
