16.01.2025 | 16:00
Էջեր են կոտրում, ի՞նչ է անում ոստիկանությունը. Արփինե Սարգսյանի պարզաբանումը․ ՏԵՍԱՆՅՈՒԹ
Բաքուն պնդում է, թե Արցախի դեմ սեպտեմբերյան ագրեսիայից հետո Հայաստանին 173 մարմին է փոխանցել
Քաղաքականություն
14.02.2024 | 12:59
Ադրբեջանը հայտարարել է, թե 2023 թվականի սեպտեմբերի 19-ին Արցախի դեմ իրականացրած ռազմական ագրեսիայից ու էթնիկ զտումից հետո Հայաստանին 173 զոհվածի մարմին է փոխանցել։ Ռազմագերիների, պատանդների և անհետ կորածների հարցերով Ադրբեջանի պետական հանձնաժողովը նշել է, թե Ադրբեջանը, իբր, ռուս խաղաղապահ զորախմբի ու ԿԽՄԿ-ի հետ աջակցել է որոնողական աշխատանքներին։
Ըստ Բաքվի՝ 44-օրյա պատերազմից հետո հայկական կողմին փոխանցվել է 1713 մարմին, 2022 թվականի սեպտեմբերին ՀՀ-ի դեմ իրականացրած ագրեսիայից հետո՝ 157, իսկ 2023-ին Արցախի դեմ ագրեսիայից հետո՝ 173 մարդու մարմին։
Բացի այդ, հանձնաժողովը հայտում է, որ պատրաստ է համագործակցել Հայաստանի հետ երկու կողմից անհետ կորածների որոնումն ապահովման գործում։
«Ադրբեջանի ռազմագերիների, պատանդների և անհետ կորած քաղաքացիների հարցերով պետական հանձնաժողովը ողջունում է Հայաստանի Հանրապետության համապատասխան կառույցի հայտարարությունը ռազմական գործողությունների ժամանակ անհետ կորածների ճակատագիրը պարզելու ոլորտում համագործակցելու պատրաստակամության մասին և, ինչպես միշտ, նպատակահարմար է համարում միավորել ջանքերն այս ուղղությամբ»,- ասվում է հայտարարության մեջ։
Էմմա Չոբանյան
