23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Բանակցություններ են ընթանում ՌԴ-ի, Հայաստանի, Ադրբեջանի և Իրանի միջև էներգետիկ կամրջի ստեղծման շուրջ. Իրանում ՌԴ դեսպան
Քաղաքականություն
13.02.2024 | 15:20
Ռուսաստանի, Հայաստանի, Ադրբեջանի և Իրանի միջև բանակցություններ են ընթանում էներգետիկ կամրջի ստեղծման շուրջ։ Այս մասին ՌԻԱ Նովոստիի հետ զրույցում հայտնել է Իրանում Ռուսաստանի արտակարգ և լիազոր դեսպան Ալեքսեյ Դեդովը:
«Հյուսիս-Հարավ միջազգային տրանսպորտային միջանցքը շատ խոստումնալից նախագիծ է։ Ինչպես գիտենք՝ դրա նկատմամբ հետաքրքրություն են ցուցաբերում նաև Պարսից ծոցի շատ երկրներ։ Իսկ 2023 թվականի մայիսին միջկառավարական համաձայնագիր է ստորագրվել Ռեշտ-Աստարա երկաթուղու վերջին բացակայող հատվածի ավարտի մասին»,- ասել է Դեդովը:
Նա հավելել է, որ մեկ այլ նախագիծ, որի շուրջ բանակցություններ են ընթանում, Ռուսաստան-Անդրկովկաս-Իրան էներգետիկ կամրջի ստեղծումն է, որը «ենթադրում է էլեկտրաէներգիայի փոխանակում և փոխադրում Ռուսաստանի, Հայաստանի, Ադրբեջանի և Իրանի միջև գերբեռնվածության ժամանակաշրջաններում»։
