05.08.2026 | 14:51
Ինչ եղանակ է սպասվում առաջիկա օրերին
Իրանի նախագահն առաջարկել է Իսրայելին հեռացնել ՄԱԿ-ից
11.02.2024 | 17:20
Իրանի նախագահ Էբրահիմ Ռաիսին առաջ է քաշել Իսրայելին ՄԱԿ-ից հեռացնելու գաղափարը․ հաղորդում է Tasnim-ը։
Նախագահ Ռաիսին կիրակի օրը Թեհրանում Իսլամական հեղափոխության հաղթանակի 45-ամյակին նվիրված զանգվածային միջոցառման ժամանակ դատապարտել է Գազայի դեմ Սիոնիստական ռեժիմի «նողկալի» հանցագործությունները:
Պաղեստինի հարցը բնութագրելով որպես «մարդկության գլխավոր առաջնահերթություն»՝ Իրանի նախագահը նշել է, որ կառավարությունները պետք է խզեն բոլոր տնտեսական հարաբերություններն ու փոխգործակցությունը Սիոնիստական ռեժիմի հետ՝ հանցագործություններ կատարելուց զերծ պահելու համար։
«Մեր առաջարկը Սիոնիստական ռեժիմի հեռացումն է ՄԱԿ-ից»,- հավելել է նա՝ մատնանշելով, որ իսրայելական ռեժիմը խախտել է միջազգային կազմակերպությունների կողմից ընդունված 400 հայտարարություն, բանաձև և ձեռնարկած միջոցներ։
Իրանի նախագահի կարծիքով, «պայմանագրերի խախտման նման մռայլ պատմություն ունեցող» Իսրայելը չի հետևի ՄԱԿ-ի բանաձևերին ու դաշնագրերին:
