Մեր Ազգային ժողովը նման է վատ թատրոնի, այդպիսի ցածր կլասի թատրոն ես դեռ չեմ տեսել. Ժիրայր Դադասյան. ՏԵՍԱՆՅՈՒԹ

«Մեր թատրոնն այս տարի կդառնա 50 տարեկան, բայց մեր շենքի հարցը դեռ լուծված չէ, շինարարությունը ձգձգվում է արդեն 5 տարի, բայց մենք թրծված ենք: Երբեք չենք ունեցել մեր տարածքը, բայց միշտ գոյատևել ենք, մեր ճակատին գրված է, որ պետք է այսքան սպասենք: Մենք ամենատուժած թատրոնն ենք, և դա այն դեպքում, երբ ժանրային առանձնահատկություն ունենք»,- Factor TV-ի հետ զրույցում նշում է Երևանի մնջախաղի պետական թատրոնի գեղարվեստական ղեկավար Ժիրայր Դադասյանը, որը 26 տարի է` ղեկավարում է թատրոնը:

Նա անդրադառնում է նաև վերջին տարիների իր լռությանը հատկապես` 2021-ի ԱԺ արտահերթ ընտրություններից հետո. «Ես որոշեցի ընդհանրապես չխոսել, 2021-ից հետո խոսելիքն ավարտվեց, գործել էր պետք: Դժվար է նաև մեղադրել կոլեգաներին, որոնք չեն խոսում. խոսելու դեպքում պատասխանատվություն է դրվում նրանց ուսերին: Մենք բազմակուսակցական համակարգում ենք ապրում, մեր դեպքում միտք արտահայտողներն այդ կուսակցությունները պետք է լինեն, իրենք պետք է մեզ առաջնորդեն, ոչ թե, ասենք, բանաստեղծը. հիմա ո՞վ է նրան բանի տեղ դնում»:
Ժիրայր Դադասյանը խոսում է Արցախի կորստի մասին` նշելով, որ չի համակերպվել դրա հետ. «Արցախի կորուստը ցավոտ հարց է, բայց ես այն չեմ ընդունել: Ամեն բան պետք է վերադառնա, արցախցիները պետք է վերադառնան հայրենիք, համոզված եմ դրանում. պատմական կտրվածքն է դա ցույց տալիս: Հաջորդ սերունդը գալու է, հարցեր է տալու, չի ներելու և ձեռնարկելու է իր քայլերը»:

Թատրոնի գեղարվեստական ղեկավարը տեսակետ է հայտնում նաև մեր քաղաքական դաշտի, մասնավորապես` Ազգային Ժողովի մասին. «Այն նման է վատ թատրոնի, կլասով այդքան ցածր թատրոն ես դեռ չեմ տեսել»:

Մանրամասները`տեսանյութում:

Աննա Բաբաջանյան