08.05.2024 | 16:03
Անձրև, ամպրոպ, կարկուտ, քամու ուժգնացում․ ինչ եղանակ է սպասվում առաջիկա 5 օրերին
ԱԱԾ-ն Հովիկ Աբրահամյանի վարորդի մյուս եղբոր բնակարանում գործողություննե՞ր է իրականացրել
Քաղաքականություն
10.08.2018 | 11:45
Ազգային անվտանգության մամուլի կենտրոնից հայտնում են, որ ՀՀ նախկին վարչապետ Հովիկ Աբրահամյանի վարորդ Գրիգոր Գևորգյանի մյուս եղբոր՝ Նորիկ Գևորգյանի տանը իրենց կողմից գործողությունների իրականացման մասին տեղեկատվություն չունեն։
«Նման տեղեկություն մենք այս պահին չունենք, լուրին ծանոթացել ենք մամուլից»,-Factor.am-ին փոխանցեցին ԱԱԾ մամուլի կենտրոնից՝ հավելելով, որ եթե նման գործողություններ իրականացվեն, ապա ծառայությունը հանդես կգա համապատասխան պաշտոնական հաղորդագրությամբ։
Հիշեցնենք, որ ԱԱԾ-ն ձերբակալել է Գրիգոր Գևորգյանի եղբորը՝ Ամբիկ Գևորգյանին, ապօրինի զենք զինամթերք ձեռք բերելու և պահելու կասկածանքով։
Ավելի ուշ Հովիկ Աբրահամյանն, անդրադառանալով կատարվածին, նշել էր․ «Ես այդ զենքի և տարածքի հետ որևէ առնչություն չունեմ և տեղյակ չեմ, թե զենքը, որի մասին Ազգային Անվտանգության ծառայության կողմից հաղորդագրություն տարածվեց, ինչպես է հայտնվել այնտեղ»։
Աղավնի Սուքիասյան
