07.10.2026 | 11:02
2027 թ․ հունվարի 1-ից սոցփաթեթի ծրագիրն ավարտվում է․ փոփոխություններ և նոր հնարավորություններ. ՈՒՂԻՂ
Շվեյցարիայում ոստիկանությունը ոչնչացրել է գնացքում մարդկանց պատանդառած զինված իրանցուն
Քաղաքականություն
09.02.2024 | 21:39
Շվեյցարիայի ոստիկանությունը հայտնել է, որ ապաստան հայցող 32-ամյա իրանցին կացնով և դանակով զինված 15 պատանդի է պահել գնացքում շուրջ 4 ժամ, մինչ ոստիկանները ներխուժել են գնացք և սպանել նրան: Այս մասին հայտնել է Swissinfo-ն։
Միջադեպը սկսվել է փետրվարի 8-ին՝ ժամը 18:35-ի սահմաններում, ճեպազրույցի ժամանակ հայտնել են Վո կանտոնայի ոստիկանությունը։
Կացնով և դանակով զինված տղամարդը մեքենավարին ստիպել է թողնել գնացքի իր խցիկն ու միանալ 14 ուղևորներին: Վերջինները միջադեպի մասին անմիջապես տեղեկացրել են ոստիկանությանը։
Բանակցողները կապ են հաստատել հարձակվողի հետ պատանդների բջջային հեռախոսների հաղորդագրությունների շնորհիվ։ Իրավապահները գնացք են ներխուժել ժամը 22:15-ի սահմաններում, «երբ տղամարդուն բաժանել են պատանդներից»։ Պայթուցիկներ են օգտագործվել՝ հարձակվողի ուշադրությունը շեղելու համար։
Պատանդներին պաշտպանելու համար ոստիկաններից մեկն օգտագործել է իր զենքը՝ մահացու վիրավորելով հանցագործին։ Տղամարդը տեղում մահացել է՝ չնայած ոստիկանների խմբի մեջ բժշկի առկայությանը։ Ոստիկանությունը հայտնել է, որ իրենք գործել են ինքնապաշտպանության նպատակով:
Ըստ նախնական տեղեկությունների՝ 32-ամյա տղամարդը Նոյշատել կանտոնում ապաստան հայցող իրանցի էր։ Վոի դատախազությունը հետաքննություն է սկսել։
