14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իրակլի Կոբախիձեն պաշտոնապես Վրաստանի վարչապետ դարձավ
Քաղաքականություն
09.02.2024 | 11:08
Վրաստանի խորհրդարանը լիագումար նիստում վստահություն է հայտնել վարչապետի թեկնածու Իրակլի Կոբախիձեին։ Կոբախիձեին և նրա կառավարության կազմին կողմ է քվեարկել 84 պատգամավոր, դեմ՝ 10-ը։ Քվեարկության համար գրանցվել է 105 պատգամավոր, գրում է Գրուզիա օնլայնը։
Կառավարության կազմում ընդամենը մեկ փոփոխություն է եղել՝ պաշտպանության նախարարի պաշտոնը վստահվել է Իրակլի Չիկովանիին։
Մնացած գերատեսչությունների ղեկավարներին օրենսդիր մարմինը հաստատել է առանց փոփոխությունների։
Վրաստանի նախագահ Սալոմե Զուրաբիշվիլին ստորագրել է Իրակլի Կոբախիձեին վարչապետ նշանակելու մասին հրամանագիրը, որից հետո «Վրացական երազանք»-ի թեկնածուն պաշտոնապես դարձել է երկրի վարչապետ:
