12.08.2026 | 10:13
Մեր աշակերտները արհեստական բանականության միջազգային օլիմպիադայում թիմային պայքարում 5-րդ տեղն է զբաղեցրել. ԿԳՄՍ նախարար
Վրաստանում փրկարարները գտել են սողանքի հետևանքով վերջին՝ 9-րդ զոհին
Քաղաքականություն
08.02.2024 | 13:48
Վրաստանում փրկարարները հայտնաբերել են Բաղդատի շրջանի Ներգեթի գյուղում (Իմերեթի շրջան) սողանքի հետևանքով մահացած վերջին՝ իններորդ մարդու մարմինը, հաղորդում է Վրաստանի ՆԳՆ մամուլի ծառայությունը, գրում է Սպուտնիկի վրացական ծառայությունը։
Փետրվարի 7-ին հորդառատ անձրևների հետևանքով առաջացած սողանքն ամբողջությամբ ավերել է չորս տուն և փակել Խանիսկալի գետի կիրճի աջ լանջին գտնվող կենտրոնական մայրուղին։ Աղետի ժամանակ տներում տասը մարդ է եղել։ Փրկարարները հայտնաբերել են բոլոր 9 մահացածների մարմինները, մեկ անձի հաջողվել է փրկել։
Աղետի գոտում աշխատել է 200 փրկարար՝ համապատասխան տեխնիկայով, անօդաչու սարքերով։ Փրկարարների հետ միասին աշխատում են նաև կինոլոգների խումբը։
Սողանքային գործընթացների ծագումն ու ակտիվացումը, բարդ տեկտոնական և ձևաբանական պայմանների հետ մեկտեղ, հիմնականում կապված են փետրվարի 5-ից 7-ը ընկած առատ տեղումների հետ:
Ըստ Քութայիսիի, Զեստաֆոնիի և Դիմիի օդերևութաբանական կայանների՝ տեղումների քանակը կազմել է 80-100 մմ։ Սա փետրվարի կլիմայական նորմայի 50-80%-ն է։
