Հայաստանի բնակչության բնական հավելաճը 2023 թվականին 23․5 տոկոսով գերազանցել է նախորդ տարվա ցուցանիշը

Լուրեր

20.11.2026 | 12:29
Հայ մարմնամարզիկները մեդալներ են նվաճել միջազգային մրցաշարում
20.11.2026 | 12:21
Հյուսիս-հարավի Քաջարան-Ագարակ 32 կմ ճանապարհահատվածի շինարարությունն ավարտված է շուրջ 60 տոկոսով
20.11.2026 | 12:10
Լարված իրավիճակ Քոչարյանի գործով նիստին // Վրաստանում սգո օր է հայտարարվել․ ԼՈՒՐԵՐ
20.11.2026 | 12:00
Սոնա Ղազարյանի ճեպազրույցը՝ ՈւՂԻՂ
20.11.2026 | 11:59
Լեհաստանում օդային տագնապ է հայտարարվել՝ Ուկրաինային ՌԴ զանգվածային հարվածների ֆոնին
20.11.2026 | 11:50
Չափանիշներ են պետք, որ հասկանալի լինի՝ խախտումները ինչպես են ազդում քվեարկության արդյունքների վրա․ ՏԵՍԱՆՅՈՒԹ
20.11.2026 | 11:38
Վրաստանում նոյեմբերի 22-ը սգո օր է հայտարարվել Թբիլիսիում շենքի փլուզումից հետո
20.11.2026 | 11:36
Տիգրան Աբրահամյանի ճեպազրույցը՝ ՈւՂԻՂ
20.11.2026 | 11:33
ԱԽ քարտուղարը Էստոնիայի դեսպանի հետ քննարկել է ՀՀ-ԵՄ հարաբերություններն ու տարածաշրջանային զարգացումները
20.11.2026 | 11:28
Եվրոպացի առաջնորդները մերժել են Թրամփի, Պուտինի և Սի Ցզինպինի «Յալթա 2»-ը Ուկրաինայի վերաբերյալ
20.11.2026 | 11:20
Արտարժույթների փոխարժեքները՝ նոյեմբերի 20-ի դրությամբ
20.11.2026 | 11:08
Total Chess. Հայկ Մարտիրոսյանը հաղթել է Արջուն Էրիգաիսիին
20.11.2026 | 10:58
Թրամփը համաձայն է Ուկրաինայի վերաբերյալ որոշումներ չկայացնել՝ առանց Կիևի անմիջական մասնակցության
20.11.2026 | 10:50
Հայ ծանրոդների մրցելույթների ծամանակացույցը Դոհայի վարկանիշային մրցաշարում
20.11.2026 | 10:43
ՀՀ դեսպանը մասնակցել է Թրամփի Մար-ա-Լագո առանձնատանը կայացած միջոցառմանը․ շփումներ է ունեցել ԱՄՆ պաշտոնյաների հետ․ ԼՈՒՍԱՆԿԱՐՆԵՐ
Բոլորը

Հայաստանի բնակչության բնական հավելաճը 2023 թվականին 23.5 տոկոսով գերազանցել է նախորդ տարվա ցուցանիշը՝ կազմելով 11 հազար 960 մարդ:

«Արմենպրես»-ի հաղորդմամբ՝ ՀՀ վիճակագրական կոմիտեն, հիմնվելով Քաղաքացիական կացության ակտերի ռեգիստրի տվյալների վրա, տեղեկացնում է, որ 2023-ին Հայաստանում ծնվել է 36 հազար 265 երեխա (110-ով քիչ, քան 2022-ին)՝ 19 հազար 052 տղա և 17 հազար 213 աղջիկ: 2022-ի համեմատ նորածին տղաների թիվը պակասել է 184-ով, մինչդեռ աղջիկներինը հակառակը՝ 74-ով ավելացել է:

2023թ. հունվար-դեկտեմբերին սեռերի հարաբերակցության գործակիցը կենդանի ծնված նորածինների շրջանում կազմել է 110.7 տղա՝ 100 աղջկա հաշվով՝ 2022-ի 112.2 համեմատ:

Կրճատվել է մահացած ծնվածների թիվը՝ 420 նախորդ տարվա 427-ի դիմաց:

2023-ին Հայաստանում մահացել է 24 հազար 305 մարդ, ինչը 2387-ով պակաս է նախորդ տարվա ցուցանիշից: Մահացածներից 12 հազար 567-ը արական, իսկ 11 հազար 738-ը՝ իգական սեռի են: 2022-ին մահացածների թվում նույնպես գերակշռել են տղամարդիկ:

Անցյալ տարի բնակչության կենսունակության գործակիցը (ծնվածների և մահացածների հարաբերակցությունը) կազմել է 149.2%, իսկ 2022-ին եղել է 136.3%:

Նախանցյալ տարվա համեմատ 2023-ին 588-ով կրճատվել է ամուսնությունների քանակը: Անցյալ տարի Հայաստանում ձևավորվել է 16 հազար 207 նոր ընտանիք: Իսկ ահա ամուսնալուծությունների քանակը 2022-ի համեմատ մնացել է անփոփոխ՝ 4525:

Ներկայացված վիճակագրությունում ներառված չեն 2023թ. հոկտեմբեր-դեկտեմբեր ամիսներին Քաղաքացիական կացության ակտերի ռեգիստրում արձանագրված՝ Լեռնային Ղարաբաղից բռնի տեղահանվածների վերաբերյալ քաղաքացիական կացության գրանցումները, մասնավորապես, ծննդյան՝ 279 (բացի այդ՝ նաև 273 վերականգնված ծննդյան գրանցումներ), մահվան՝ 514, ամուսնության՝ 173 և ամուսնալուծության՝ 19 դեպքերը:

Հավելենք, որ Վիճակագրական կոմիտեն ամփոփել է նաև ՀՀ սահմանահատումների տարեկան ցուցանիշը։

Այս մասին է FactorTV-ի «Արտագաղթ-2023․ ՀՀ անձնագրով քանի քաղաքացի է հեռացել երկրից և չի վերադարձել» վերտառությամբ տեսանյութը։


Ըստ Վիճակագրական կոմիտեի ներկայացրած տվյալների՝ մեր երկրից ՀՀ անձնագրով մեկնել է 2 մլն 8 հազար 647 քաղաքացի, ժամանել՝ 1 մլն 972 հազար 135 քաղաքացի։ Բացասական հաշվեկշիռը 36 հազար 512 է։ Այսինքն՝ ՀՀ անձնագիր ունեցող այդքան քաղաքացի լքել է երկիրը և դեռևս չի վերադարձել։

Հատկանշանական է, որ պաշտոնյաները հորդորում են սա արտագաղթ չորակել, քանի որ հնարավոր է՝ մեր հայրենակիցները ժամանակավոր են բացակայում հայրենիքից։ Այդուհանդերձ, մեկնող և չվերադարձողների թիվը 10 տարվա կտրվածքով 291 հազար 327 մարդ է։ Այս ընթացքում միայն 2020 թ-ին է ժամանողների թիվը գերազանցել մեկնողներինը՝ 42 հազար 786 մարդով։