17.08.2026 | 23:08
Զորականում և Ամասիայում շչակներ են փորձարկվելու
Ադրբեջանում ավարտվել է արտահերթ նախագահական ընտրությունների քվեարկությունը
07.02.2024 | 19:40
Ադրբեջանում ավարտվել է արտահերթ նախագահական ընտրությունների քվեարկությունը, նշում են տեղական լրատվամիջոցները։ Հաղորդվում է, որ ընտրատեղամասերը փակվել են ժամը 19:00-ին։
Կենտրոնական ընտրական հանձնաժողովի տվյալներով՝ ընտրատեղամասերում սկսվել է ձայների հաշվարկը։ Ներկայումս քվեարկությունը շարունակվում է միայն Ադրբեջանի սահմաններից դուրս գտնվող ընտրատեղամասերում։
Ժամը 17:00-ի դրությամբ ընտրություններին քվեարկել է 4 միլիոն 590.075 հազար ընտրող կամ քվեարկելու իրավունք ունեցողների 70.85 տոկոսը։
Ադրբեջանում քվեարկելու իրավունք ունի 6 միլիոն 478 հազար 840 ընտրող:
Հիշեցնենք, որ գործող նախագահ Իլհամ Ալիևից զատ՝ ընտրություններին մասնակցում է ևս 6 թեկնածու՝ Մեջլիսի պատգամավոր և Սոցիալական հետազոտությունների կենտրոնի խորհրդի նախագահ Զահիդ Օրուջը, պատգամավոր Ռազի Նուրուլլաևը, մեկ այլ պատգամավոր՝ «Համայն Ադրբեջանի ժողովրդական ճակատ» կուսակցության ղեկավար Գուդրաթ Հասանգուլիևը, «Մեծ արարում» կուսակցության ղեկավար և խորհրդարանի պատգամավոր Ֆազաիլ Մուստաֆան, Ադրբեջանի Լիբերալ-դեմոկրատական կուսակցության նախկին ղեկավար Ֆուադ Ալիևը, «Մեծ Ադրբեջան» կուսակցության նախագահ Էլշադ Մուսաևը։ Նրանք, սակայն, իրականում գործող իշխանությունների աջակիցներն են։
Էմմա Չոբանյան
