26.06.2026 | 02:03
ԱԱ-2026. Գերմանիան անակնկալ պարտություն կրեց, Կոտ դ’Իվուարը հաղթեց. ՏԵՍԱՆՅՈՒԹ
Փոխադարձ վիրավորանքներ ու ռեպլիկներ․ ավագանու նիստում այսօր թեժ էր. ՏԵՍԱՆՅՈՒԹ
Քաղաքականություն
07.02.2024 | 18:30
Երևանի ավագանու այսօրվա արտահերթ նիստում ընդդիմադիր 3 անդամներ՝ «Ազգային առաջընթաց» խմբակցությունից Հայկ Մարությանը, «Մայր Հայաստան» խմբակցությունից Նարինե Հայրապետյանն ու Սոնա Աղեկյանը զրկվեցին մանդատներից։ Նիստը կայացավ, քանի որ «Հանրային ձայն» խմբակցության երկու անդամներ՝ Վահան Ավագյանն ու Վահե Եսայանը մասնակցեցին և կողմ քվերակեցին համագործակցության հուշագիր կնքած ՔՊ ու «Հանրապետություն» խմբակցությունների հեղինակած նախագծերին՝ Հայկ Մարությանի, Նարինե Հայրապետյանի ու Սոնա Աղեկյանի լիազորությունները դադարեցնելու վերաբերյալ։ Նրանք, սակայն, դեմ քվերակեցին այն նախագծերին, որոնցով առաջարկվում էր դադարեցնել «Մայր Հայաստան» խմբակցության ավագանու անդամներ Զարուհի Փոստանջյանի և Գևորգ Ստեփանյանի լիազորությունները, ըստ այդմ՝ ՔՊ-ն և «Հանրապետություն»-ը չկարողացան մանդատազրկել ավագանու նշված անդամներին։
Ավագանու իշխանական անդամները պնդում են, որ մանդատազրկման հիմքը նիստերի և քվեարկությունների կեսից ավելիից բացակայելն է, իսկ ավագանու հեռացված անդամները վստահ են՝ սա քաղաքական հետապնդում է, իրենց լռեցնելու փորձ։
Ինչպես ավագանու նախորդ նիստերը, այս մեկը ևս անցավ թեժ մթնոլորտում՝ փոխադարձ վիրավորանքներով ու ռեպլիկներով․ Factor TV-ն նիստից առանձնացրել է այդ հատվածները։
Մանրամասները՝ տեսանյութում։
