01.05.2026 | 11:16
Հայտնի են այս տարվա «Ոսկե ծիրան»-ի անցկացման ժամկետները
Բորելը Ուկրաինային խոստացել է, որ ԵՄ-ն մինչև տարեվերջ ավելի քան 1 մլն միավոր զինամթերք կտրամադրի
Քաղաքականություն
07.02.2024 | 22:58
Ինչպես ավելի վաղ հայտնել էինք, Եվրամիության արտաքին քաղաքականության դեպարտամենտի ղեկավար Ժոզեպ Բորելն այցելով Կիևում է և ուկրաինայի իշխանությունների հետ քննարկում է Ուկրաինայի զինված ուժերի համար զինամթերքի մատակարարումը։
Անցյալ տարի ԵՄ-ն խոստացել էր Ուկրաինային մատակարարել 1 մլն արկ մինչև 2024 թվականի մարտը, սակայն իրականում այդ խոստումը կկարողանա կատարել կիսով չափ, գրում է BBC-ի ռուսական ծառայությունը։
Այժմ Բորելն ասել է, որ մինչև 2024 թվականի վերջ Ուկրաինան ԵՄ-ից պետք է ստանա 1,155 մլն միավոր զինամթերք ։
«Եվրամիության պաշտպանական-արդյունաբերական համալիրը շարունակում է աճել և զարգանալ։ Կարելի է փաստել, որ նրա կարողությունն աճել է 40%-ով»,- Բորելի խոսքերն է մեջբերել BBC-ի ռուսական ծառայությունը։
Կիև իր այցից առաջ Բորելն ասել էր, որ ԵՄ-ն չի կատարում Ուկրաինային հրետանային արկեր մատակարարելու սեփական պլանները, ոչ թե այն պատճառով, որ ԵՄ երկրները բավարար արտադրական հզորություններ չունեն, այլ այն պատճառով, որ նրանք արկեր են արտահանում այլ երկրներ։
Ժոզեպ Բորելը, ելույթ ունենալով Կիևում կայացած մամուլի ասուլիսում, վստահություն է հայտնել, որ Եվրախորհրդարանը մինչև փետրվարի վերջ կհաստատի Ուկրաինային 50 միլիարդ եվրոյի չափով ֆինանսական օգնության նոր ծրագիրը։ Նա նշել է, որ Ռուսաստանի և Ուկրաինայի միջև ռազմական հակամարտության սկզբից ի վեր Եվրամիությունը Կիև է ուղարկել մոտ 88 միլիարդ եվրո, այդ թվում՝ 28 միլիարդ եվրո՝ ռազմական կարիքների համար։
