30.05.2026 | 10:23
«Ռոլան Գարոս»․ Կարեն Խաչանովն ու Նովակ Ջոկովիչը պարտվել են․ ՏԵՍԱՆՅՈՒԹ
Ադրբեջանում քվեարկությանն արդեն մասնակցել է ընտրողների 38,57 տոկոսը
Քաղաքականություն
07.02.2024 | 14:22
Ադրբեջանում ժամը 12:00-ի դրությամբ՝ արտահերթ նախագահական ընտրություններում քվեարկել է 2 միլիոն 499,033 հազար ընտրող կամ քվեարկելու իրավունք ունեցողների 38,57 տոկոսը։ Տեղական լրատվամիջոցների հաղորդմամբ՝ ճեպազրույցում նման տվյալներ է ներկայացրել Ադրբեջանի Կենտրոնական ընտրական հանձնաժողովի քարտուղարության տեղեկատվական կենտրոնի ղեկավար Ֆարիդ Օրուջևը։
ԿԸՀ ղեկավարը նշել է, որ Ադրբեջանում քվեարկելու իրավունք ունի 6 մլն 478 հազար 840 ընտրող։
Ադրբեջանն ընտրություններ է անցկացնում նաև էթնիկ զտման ենթարկված Արցախում։ Օրուջևը նշել է, որ ժամը 12:00-ի դրությամբ՝ Ստեփանակերտի թիվ 122 ընտրատարածքում քվեարկել է 3946 մարդ, ընտրողների մասնակցությունը կազմել է 50,56%:
Քարվաճառի թիվ 123 ընտրատարածքում ընտրողների մասնակցությունը կազմել է 21,658 մարդ՝ 35,69%, Շուշի-Ակնա-Իվանյան-Մարտունիի թիվ 124 ընտրատարածքում քվեարկել է 27,030 մարդ, ընտրողների մասնակցությունը կազմել 43,25%:
Ներկայացված այս թվերն ուշագրավ են այն առումով, որ Արցախի գրավյալ շրջաններում ոչ միայն հայեր, այլև ադրբեջանցիներ չեն բնակվում։
Բացի այդ, ավելի վաղ Ադրբեջանի ԿԸՀ-ն նախապես հայտարարել էր, որ հայաթափված Արցախում քվեարկելու համար կազմվել է 23,000 ընտրողների ցուցակ։
Էմմա Չոբանյան
