16.03.2026 | 22:53
Ղրիմում փլուզվել է 15-րդ դարի հայկական եկեղեցին, որտեղ պսակադրվել է Հովհաննես Այվազովսկին. ՏԵՍԱՆՅՈՒԹ
Կումայրի պատմական կենտրոնը վերականգնվում է
09.08.2018 | 18:45
ՀՀ քաղաքաշինության կոմիտեի նախագահ Ավետիք Էլոյանը, Կոմիտեի նախագահի առաջին տեղակալ Արմեն Ղուլարյանի, Հայաստանի տարածքային զարգացման հիմնադրամի գործադիր տնօրեն Աշոտ Կիրակոսյանի հետ միասին այցելել է Գյումրի՝ Կումայրի պատմական կենտրոնի զարգացման նախագծի շրջանակներում տարվող ընթացիկ աշխատանքներին ծանոթանալու նպատակով: Գյումրիի քաղաքապետարանում տեղի ունեցած խորհրդակցության ընթացքում քննարկվել են Կումայրի պատմական կենտրոնի վերակառուցմանը վերաբերող հարցեր: Քաղաքապետ Սամվել Բալասանյանը վստահեցրել է, որ այն հատվածները, որոնց շինարարությունն իրականացվում է քաղաքապետարանի միջոցներով՝ ավարտվելու են սահմանված ժամկետներում: Այնուհետ շրջայց է կատարվել վերականգնվող պատմական թաղամասի տարածքում: Այստեղ արդեն ամբողջությամբ ավարտվել են Ռուսթավելի փողոցի վերականգնումն ու բարեկարգումը: Շիրազի և շրջակա հատվածում գտնվող Ջիվանու, Հակոբյան, Ղորղանյան, Աբովյան և Վարպետաց փողոցներում ևս շինարարական աշխատանքներ են մեկնարկել: Կոմիտեի նախագահ Ավետիք Էլոյանը առանձնակի ուշադրություն է հրավիրել ենթակառուցվածքների վերատեղադրման ու նորերի կառուցման կարևորությանը, որպեսզի դրանք խոչընդոտ չհանդիսանան հետագա աշխատանքներին: Նա դրական է գնահատել Ռուսթավելի փողոցի վերականգնումը, շինաշխատանքների ընթացքի, որակի և ժամկետների վերաբերյալ տալով հանձնարարականներ:
