12.09.2026 | 19:45
BRICS երկրները կաջակցեն բազմակողմ առևտրային համակարգին. Սի Ծինփին
Վրաստանի ԱԳ նախարարը՝ Թբիլիսին ՀՀ-ի և Ադրբեջանի համար քննարկումների հարթակ դարձնելու ցանկության մասին
Քաղաքականություն
07.02.2024 | 14:38
Չնայած տարածաշրջանում տիրող բարդ իրավիճակին՝ Վրաստանը հանդես է գալիս և իրականացնում է հավասարակշռված քաղաքականություն՝ ուղղված տարածաշրջանում կայունության և երկարաժամկետ խաղաղության հասնելուն։ Այս մասին ասել է Վրաստանի արտաքին գործերի նախարարի պաշտոնակատար Իլիա Դարչիաշվիլին եվրոպական ինտեգրման և արտաքին հարաբերությունների խորհրդարանական հանձնաժողովների համատեղ նիստում, գրում է Գրուզիա օնլայնը։
Ըստ նրա՝ Վրաստանը բազմիցս նպաստել է Ադրբեջանի և Հայաստանի հարևան հանրապետությունների միջև արդյունավետ հաղորդակցությանը՝ գործարկելով «Խաղաղ հարևանություն» նախաձեռնությունը։
«Մենք պատրաստ ենք շարունակել մեր մասնակցությունն այս ուղղությամբ՝ մեր հարևան երկրների կարիքներին համապատասխան։ Մենք ցանկանում ենք, որ Թբիլիսին ապագայում մեր հարևանների համար լինի մի վայր, որտեղ նրանք կարող են քննարկել ցանկացած արդիական հարց, որը կօգնի վերականգնել կողմերի միջև վստահությունը»,- ասել է Իլյա Դարչիաշվիլին։
