17.03.2026 | 23:25
ԻՀՊԿ-ն հաստատել է «Բասիջ» ուժերի հրամանատար Ղոլամռեզա Սուլեյմանիի մահը
ԱՄՆ-ն «ուշադրությամբ հետևում է» Ադրբեջանում նախագահական ընտրություններին․ Պետքարտուղարություն
Քաղաքականություն
06.02.2024 | 13:43
Վաշինգտոնը հայտարարել է, որ «ուշադրությամբ հետևում է» Ադրբեջանի արտահերթ նախագահական ընտրություններին, որոնք պետք է տեղի ունենան վաղը։ Այս մասին հայտնում է ադրբեջանական Turan-ի Վաշինգտոնի թղթակիցը։
«Մենք ուշադրությամբ հետևում ենք Ադրբեջանում նախագահական ընտրություններին։ Մեր եզրակացությունները սպասվելիք ընտրությունների վերաբերյալ ուղարկում եմ ԵԱՀԿ/ԺՀՄԻԳ ընտրությունների դիտորդական առաքելությանը»,- ասել է Պետքարտուղարության մամուլի խոսնակի տեղակալ Վեդանտ Պատելը։
Նա այսպես է պատասխանել փետրվարի 7-ին կայանալիք արտահերթ ընտրությունների վերաբերյալ դիրքորոշման և ԵԱՀԿ միջանկյալ զեկույցի վերաբերյալ հարցին, որտեղ որոշակի մտահոգություններ են արտահայտվում։
Հիշեցնենք, որ ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) դիտորդական առաքելությունը միջանկյալ զեկույց էր հրապարակել Ադրբեջանում փետրվարի 7-ին կայանալիք արտահերթ ընտրությունների վերաբերյալ։ Այն քննադատում է ստեղծված ընտրական պայմանները, հատկապես ուշադրություն է դարձվում այն հանգամանքին, որ գործող նախագահ Իլհամ Ալիևին հետ այս ընտրություններին մասնակցող մյուս վեց թեկնածուներից յուրաքանչյուրը ոչ վաղ անցյալում բացահայտորեն աջակցել է նրան։
Էմմա Չոբանյան
