20.04.2026 | 21:00
Մալխաս Ամոյանը Եվրոպայի առաջնության եզրափակիչում է, Մանվել Խաչատրյանը պարտվեց կիսաեզրափակիչում
Դատավոր Գուրգեն Մալխասյանն ասում է` տեղյակ չէ, որ ընտանիքի անդամները գումար են փոխանցել ՔՊ-ին․ ՏԵՍԱՆՅՈՒԹ
Հասարակություն
02.02.2024 | 16:48
Շիրակի մարզի ընդհանուր իրավասության դատարանի դատավոր Գուրգեն Մալխասյանն ասում է՝ տեղյակ չէ, որ զավակները Երևանի ավագանու ընտրություններին գումարներ են փոխանցել ՔՊ կուսակցությանը՝ որպես նվիրատվություն։ Այս մասին Factor TV-ի հարցին ի պատասխան ասաց դատավոր Մալխասյանը։ Հարցին՝ արդյոք դատավորի զավակների կողմից իշխանության ներկայացուցչին գումար փոխանցելը չի՞ ազդում իր՝ որպես դատավորի անաչառության վրա, Մալխասյանը պատասխանեց, որ ամեն դեպքում ոչինչ գաղտնի չի արվել։
Հիշեցնենք, որ Infocom․am-ը գրել էր, որ Երևանի ավագանու ընտրություններին ընդառաջ կազմակերպված Քաղաքացիական պայմանագիր կուսակցության դրամահավաք-երեկոյին 2.4-ական մլն դրամ նվիրատվություն են կատարել «Մալխասյանց փաստաբանական կենտրոնի» բաժնետեր և տնօրեն Մինաս Մալխասյանը և աշխատակից Գրիգոր Մալխասյանը։ Կենտրոնի մեկ այլ աշխատակից՝ Կորյուն Մկրտչյանը փոխանցել է 2.3 մլն դրամ, իսկ փոխտնօրեն Նազիկ Մալխասյանը նվիրաբերել է 100 հազար դրամ։ Մինաս Մալխասյանը, Նազիկ Մալխասյանը և Գրիգոր Մալխասյանը դատավոր Գուրգեն Մալխասյանի զավակներն են։ Վերջինս Ավագանու ընտրություններից մոտ մեկ ամիս անց առաջադրվել է Վճռաբեկ դատարանի դատավորի թեկնածու, սակայն չի ընտրվել։
Մանրամասները՝ տեսանյութում
Արաքս Մամուլյան
