23.02.2026 | 11:44
Ամսական 42 միլիոն դրամ է մտնում Երևանի բյուջե՝ ավտոմատ ինքնասպասարկող սարքերից․ քաղաքապետ․ ՏԵՍԱՆՅՈՒԹ
ԱՄՆ Պետքարտուղարությունը՝ Ադրբեջանի արտահերթ նախագահական ընտրությունների մասին
Քաղաքականություն
02.02.2024 | 15:56
ԱՄՆ-ը դեռևս չի մեկնաբանում Ադրբեջանում փետրվարի 7-ին կայանալիք արտահերթ նախագահական ընտրությունները։ Մասնավորապես, Պետքարտուղարության խոսնակ Մեթյու Միլլերը նախօրեին տեղի ունեցած ճեպազրույցում խուսափել է պատասխանել հարցին այն մասին, որ ԵԱՀԿ-ն հանդես է եկել նախնական զեկույցով՝ ընդգծելով որոշ մտահոգություններ, մասնավորապես, որ առաջադրված թեկնածուները սատարում են գործող նախագահին։
«Ես որևէ մեկնաբանություն չունեմ Ադրբեջանում տեղի ունեցող ներքին ընտրությունների վերաբերյալ»,- ասել է Միլլերը։
Հիշեցնենք, որ ԵԱՀԿ Ժողովրդավարական հաստատությունների և մարդու իրավունքների գրասենյակի (ԺՀՄԻԳ) դիտորդական առաքելությունը միջանկյալ զեկույց է հրապարակել Ադրբեջանում նախանշված արտահերթ ընտրությունների վերաբերյալ։ Այն քննադատում է ստեղծված ընտրական պայմանները, հատկապես ուշադրություն է դարձվում այն հանգամանքին, որ Ալիևին հետ այս ընտրություններին մասնակցող մյուս վեց թեկնածուներից յուրաքանչյուրը ոչ վաղ անցյալում բացահայտորեն աջակցել է նախագահին։
Էմմա Չոբանյան
