12.08.2026 | 14:29
Հալածանքների եմ ենթարկվել ՊԵԿ-ում․ Հայկ Ֆարմանյան. ՏԵՍԱՆՅՈՒԹ
Ոչ ոք ու ոչ մի երկիր բանակցային սեղանին չի կարող Բաքվի վրա ճնշում գործադրել․Ադրբեջանի Մեջլիսի նախագահ
Քաղաքականություն
02.02.2024 | 13:16
Ոչ ոք և ոչ մի պետություն չի կարող ճնշում գործադրել Ադրբեջանի վրա բանակցությունների սեղանի շուրջ․ այս մասին ասել է Միլի Մեջլիսի նախագահ Սահիբա Գաֆարովան՝ Չեխիայի խորհրդարանի Պատգամավորների պալատի նախագահ Մարկետա Պեկարովա Ադամովայի գլխավորած պատվիրակության հետ հանդիպման ժամանակ։
Ադրբեջանական լրատվամիջոցների հաղորդմամբ՝ Գաֆարովան ասել է, թե Բաքուն «շահագրգռված է շարունակել բանակցությունները ու ցանկանում է խաղաղություն և հույս ունի խաղաղության պայմանագրի շուտափույթ ստորագրում»։
Գաֆարովան դժգոհել է, թե Ադրբեջանի դեմ «կեղծ արշավ» է տարվում․ նա դատապարտել է «Հայաստանի և նրա հովանավորների գործողությունները», որոնց նպատակն է «էթնիկ զտումների և Ադրբեջանի՝ նոր պատերազմի ձգտման մասին հայտարարություններով մոլորեցնել միջազգային հանրությանը»։ Նա նաև խոսել է ԵԽԽՎ-ում ադրբեջանական պատվիրակության լիազորությունները սահմափակելու որոշման մասին, ու ասել, թե Վեհաժողովում վերջին գործընթացները նույնպես Ադրբեջանի դեմ «զրպարտչական արշավի մաս են կազմում»։
«ԵԽԽՎ-ն պետք է լինի երկխոսության և համագործակցության հարթակ, սակայն Վեհաժողովում ակնհայտորեն երևում են խորը արմատացած երկակի ստանդարտները»,- դժգոհել է Ադրբեջանի Մեջլիսի խոսնակը։
