12.08.2026 | 14:29
Հալածանքների եմ ենթարկվել ՊԵԿ-ում․ Հայկ Ֆարմանյան. ՏԵՍԱՆՅՈՒԹ
Գիշերն արձակված 25 ԱԹՍ-ներից Ուկրաինան կարողացել է խոցել միայն 11-ը
Քաղաքականություն
02.02.2024 | 11:27
Ուկրաինայի գլխավոր շտաբն իր ամենօրյա տեղեկագրում հայտնել է, որ ռուսական բանակն Ուկրաինայում թիրախների ուղղությամբ արձակել է 25 կամիկաձե ԱԹՍ, որից ոչնչացվել է միայն 11-ը, գրում է BBC-ի ռուսական ծառայությունը։
«Շահեդները» գրոհել են 3 տարբեր վայրեր։ Հետևանքների մասին դեռևս քիչ բան է հայտնի։ Կրիվոյ Ռոգից հայտնել են, որոշ շրջաններում ջրամատակարարման ու էլեկտրաէներգիայի խափանումներ են, Կիրովոգրադի մարզի ղեկավարն էլ հայտնել է, որ գրոհը հետ է մղվել, նախնական տվյալներով տուժածներ չկան։
Հիշեցնենք, որ մի շարք միջազգային հեղինակավոր պարբերականներ, այդ թվում նաև Bloomberg-ը, հայտնել էր, որ Կիևը չունի բավականաչափ հրետանային արկեր և հակաօդային պաշտպանության հրթիռներ՝ իր քաղաքները ռուսական հարձակումներից պաշտպանելու համար։
Ուկրաինացի պաշտոնյաները թեև ասում են, որ ռուսական բանակի դեմ պայքարը կշարունակվի, սակայն ճակատից ստացված հաղորդագրությունները ցույց են տալիս, որ իրավիճակը գնալով ավելի ու ավելի ծանր է դառնում, և ուկրաինական զորքերը դժվարանում են զսպել ռուսական ստորաբաժանումները:
Կիևի և ուկրաինական այլ քաղաքների վրա ռուսական վերջին հրթիռային հարձակումների հետևանքով տասնյակ մարդիկ են զոհվել, քանի որ ուկրաինական հակաօդային պաշտպանությունը, որը մեծապես հենվում է իր դաշնակիցների մատակարարումների վրա, չի կարողանում ոչնչացնել այնքան հրթիռ, որքան նախկինում, գրում է գործակալությունը։
