15.01.2026 | 20:09
Զախարովան մեկնաբանել է Սոլովյովի հայտարարությունները
Քութեշով հիվանդացության որոշակի ակտիվություն նկատվում է, սակայն մտահոգության առիթ չկա. մասնագետ
02.02.2024 | 10:48
Հայաստանում ընթացիկ տարվա հունվարին քութեշով հիվանդացության գրանցված դեպքերի թիվը նախորդ տարվա նույն ամսվա համեմատ մի փոքր աճել է․ հիվանդացության որոշակի ակտիվություն նկատվում է, սակայն մասնագետները դա մտահոգիչ չեն համարում։
«Արմենպրես»-ի հետ զրույցում ՀՀ ԱՆ Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության բժիշկ Ռուբեն Գրիգորյանը նշեց, որ քութեշը վարակիչ հիվանդություն է և հաճախ փոխանցվում է օդակաթիլային ճանապարհով: Այն ունի ընդհանուր ինֆեկցիոն հիվանդություններին և իրեն բնորոշ տիպային ախտանշաններ:
«Քութեշը սուր վարակիչ հիվանդություն է, որը բնորոշվում է անգինայով, ընդհանուր ինտոքսիկացիայով, տենդով և առատ մանր կետավոր ցանով: Հիվանդությունը սկզբնական շրջանում արտահայտվում է ջերմության արագ բարձրացմամբ, տկարությամբ, թուլությամբ, գլխացավով: Ջերմության բարձրացման հետ միասին ի հայտ է գալիս նաև ցավ կլման ժամանակ»,- ասաց բժիշկ Գրիգորյանը:
Ըստ նրա՝ քութեշ հիվանդությունը հիմնականում հանդիպում է մինչև 18 տարեկան անձանց շրջանում, առավելապես բարձր հիվանդացություն գրանցվում է 2-ից 10 տարեկանների շրջանում:
Մասնագետը նշեց, որ հիվանդությունը կարող է նաև դիտվել 18 տարեկանից բարձր անձանց մոտ, ովքեր նախկինում չեն վարակվել, և, հետևաբար, իմունիտետ չի ձևավորվել։
