13.12.2025 | 14:32
Վահագն Խաչատուրյանն Աշխաբադում զրույցներ է ունեցել մի շարք երկրների նախագահների հետ
Երբեք չեմ կասկածել, որ Ղարաբաղն Ադրբեջան է. Չեխիայի խորհրդարանի խոսնակը Բաքվում է
Քաղաքականություն
01.02.2024 | 20:51
Չեխիան երբեք չի կասկածել, որ Ղարաբաղն Ադրբեջան է։ Այս մասին լրագրողներին ասել է Չեխիայի խորհրդարանի Պատգամավորների պալատի նախագահ Մարկետա Պեկարովա Ադամովան Բաքու այցի ընթացքում, գրում են ադրբեջանական լրատվամիջոցները։
«Կարծում եմ, որ իմ խոսքերը սխալ են մեկնաբանվել, ուզում եմ ասել, որ ես երբեք չեմ կասկածել, որ Ղարաբաղը Ադրբեջան է»,- ասել է Չեխիայի խորհրդարանի ստորին պալատի խոսնակը՝ հավելելով, որ Չեխիան պաշտպանում է բոլոր երկրների ամբողջականությունն ու ինքնիշխանությունը, այդ թվում՝ Հարավային Կովկասում։
Նա նշել է, որ Հայաստանի ու Ադրբեջանի միջև հարաբերությունների կարգավորման բոլոր հնարավորությունները կան։
«Պետք է նայել ապագային: Մենք վստահ ենք, որ այժմ կա հարաբերություններ սկսելու հնարավորություն։ Հայաստանի և Ադրբեջանի միջև կա երկխոսություն, որը կարևոր է բոլորիս համար: Սա է գլխավոր շահը։ Խաղաղ Հարավային Կովկասը կարող է բարգավաճ լինել»,- ասել է Մարկետա Պեկարովա Ադամովան։
