07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Զելենսկին առաջիկա օրերին պաշտոնանկ կանի Զալուժնիին` պատերազմի շուրջ տարաձայնությունների աճի ֆոնին․ CNN
Քաղաքականություն
01.02.2024 | 13:44
Ուկրաինայի բանակի հրամանատար Վալերի Զալուժնին հունվարի 29-ին հանդիպման է հրավիրվել նախագահի գրասենյակում, որտեղ նրան հայտնել են աշխատանքից ազատման մասին։ Այս մասին CNN-ին հայտնել են իրավիճակին ծանոթ երկու աղբյուրներ՝ նախագահ Վլադիմիր Զելենսկու և նրա գլխավոր հրամանատարի միջև լարվածության շուրջ շաբաթներ շարունակ աճող շահարկումներից հետո:
Աղբյուրներից մեկը լրատվամիջոցին ասել է, որ նախագահի հրամանը Զալուժնիին աշխատանքից հեռացնելու վերաբերյալ սպասվում է մինչև այս շաբաթվա վերջ։
Ըստ աղբյուրներից մեկի՝ երկուշաբթի իր գրասենյակում տեղի ունեցած հավաքի ժամանակ, որին մասնակցել է նաև պաշտպանության նախարար Ռուստեմ Ումերովը, Զելենսկին հայտարարել է, որ «որոշում է կայացրել պաշտոնանկ անել զինված ուժերի գերագույն գլխավոր հրամանատարին»։
«Հանգիստ» նկարագրված զրույցում Զելենսկին Զալուժնիին այլ պաշտոն է առաջարկել, որից վերջինս հրաժարվել է։ Ուկրաինայի նախագահն այնուհետև ընդգծել է իր որոշումը՝ ասելով, որ այն, որ Զալուժնին հրաժարվել է նոր պաշտոնից, չի փոխում ներկայիս պաշտոնից նրան հեռացնելու որոշումը։
Որպես Զալուժնիի իրավահաջորդ երկու անուն է քննարկվում, CNN-ին ասել է բարձրագույն զինվորական աղբյուրը։ Նրանցից մեկը հետախուզության վարչության ներկայիս ղեկավար Կիրիլ Բուդանովն է, որը հայտնի է Զելենսկիի հետ ամուր կապերով։ Մյուս թեկնածուն Ալեքսանդր Սիրսկին է, որն Ուկրաինայի ցամաքային զորքերի հրամանատարն է։
Բուդանովը լրատվամիջոցի հետ զրույցում հերքել է լուրերը, իսկ Սիրսկիի գրասենյակի հետ կապ հաստատել չի հաջողվել։
Էմմա Չոբանյան
