12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ոստիկանները կենդանու նկատմամբ դաժան վերաբերմունքի դեպքեր են բացահայտել
Հասարակություն
31.01.2024 | 15:51
Հունվարի 28-ին ՆԳՆ ոստիկանության Կոտայքի մարզի օպերատիվ կառավարման կենտրոն զանգած քաղաքացին հայտնել էր, որ անհայտ անձինք Ողջաբերդ գյուղում կրակել են իր որսորդական շների վրա․ տեղեկացնում են ՆԳՆ ոստիկանությունից։
Դեպքի վայր ոստիկանության Գառնիի բաժանմունքից օպերատիվ խումբ է մեկնել:
Պարզվել է, որ ժամը 12.40-ի սահմաններում Ողջաբերդ գյուղի 6-րդ փողոցի տներից մեկի մոտ անհայտ անձը կրակել էր որսորդական երկու շների վրա, ինչի արդյունքում շներից մեկը սատկել էր:
Ոստիկանության Գառնիի բաժանմունքի ծառայողները ձեռնարկված միջոցառումների շնորհիվ պարզել են, որ նշված արարքը կատարել է Ողջաբերդ գյուղի բնակիչ 59-ամյա տղամարդը:
Նա ձերբակալվել և տեղափոխվել է ոստիկանության Կոտայքի բաժին, որտեղ ներկայացրել է հանցագործության գործիք 12 մմ տրամաչափի որսորդական երկփողանի հրացանը:
Կենդանու նկատմամբ դաժան վերաբերմունքի հաջորդ դեպքը գրանցվել է հունվարի 29-ի գիշերը:
Արտաշատ քաղաքում գիշերային ծառայություն իրականացնող պարեկները նկատել են, որ Օգոստոսի 23-ի փողոցի հարակից տարածքում մի երիտասարդ փորձել է խեղդամահ անել շանը: Պարեկների կողմից կենդանու նկատմամբ դաժան վերաբերմունքը կանխվել է, իսկ Արևաբույր գյուղի 33-ամյա բնակիչը ձերբակալվել և տեղափոխվել է ոստիկանության Արտաշատի բաժին:
Երկու դեպքում էլ կազմված փաստաթղթերն ուղարկվել են նախաքննական մարմին:
