05.06.2026 | 09:30
ՀՀ տարածքում ավտոճանապարհներն անցանելի են
Ուկրաինային ավելի շատ զինամթերք է պետք. Ժոզեպ Բորել
Քաղաքականություն
31.01.2024 | 13:48
Ուկրաինային ավելի շատ զինամթերք է անհրաժեշտ, հայտարարել է ԵՄ արտաքին քաղաքականության պատասխանատու Ժոզեպ Բորելը Բրյուսելում ԵՄ պաշտպանության նախարարների հետ այսօրվա հանդիպումից առաջ, փոխանցում է BBC-ի ռուսական ծառայությունը։
«Մենք պետք է ցույց տանք, որ հավատարիմ ենք մնում Ուկրաինայի հանդեպ մեր պարտավորություններին»,- ասել է նա։ Ըստ Բորելի՝ կարևոր է հստակեցնել իրավիճակը և «հասկանալ, թե որտեղ ենք մենք հիմա, որտեղ կլինենք մինչև մարտ և մինչև տարեվերջ»։
ԵՄ պաշտպանության նախարարների հանդիպումն ընթանում է ԵՄ գագաթնաժողովի նախօրեին, որի ժամանակ ԵՄ առաջնորդները կքննարկեն Ուկրաինային օգնություն հատկացնելու հարցը։ Փետրվարի 1-ին Բրյուսելում եվրոպական երկրները կփորձեն համաձայնության գալ Հունգարիայի իշխանությունների հետ, որոնց դիրքորոշման պատճառով անցյալ տարեվերջին արգելափակվեց Կիևին 50 միլիարդ եվրոյի ֆինանսական օգնության փաթեթը։
