15.09.2026 | 13:42
Լարված իրավիճակ՝ Գյումրիի ավագանու նիստում․ Սիմոնյանը լքեց դահլիճը․ ՏԵՍԱՆՅՈՒԹ
ՌԴ-ում պատմության մեջ ամենամեծ ինտերնետային խափանումն է գրանցվել
Քաղաքականություն
31.01.2024 | 12:27
Երեքշաբթի երեկոյան Ռուսաստանում ինտերնետի խափանում է տեղի ունեցել, որը, ինչպես նշում են փորձագետները, թերևս ամենամեծն է պատմության մեջ, փոխանցում է VOA-ն։
.RU տիրույթում գործող հարյուրավոր կայքեր, բջջային հավելվածներ և ծառայություններ մի քանի ժամով անհասանելի են եղել։ Օգտատերերը հասանելիություն չեն ունեցել Yandex-ին, VKontakte-ին, Ozon-ին, Պետական ծառայությունների պորտալներին և այլ կայքերի:
Ռուսաստանի թվային զարգացման նախարարությունը հայտարարել է, որ խափանումը տեղի է ունեցել տեխնիկական խնդրի պատճառով՝ կապված DNS-ի ընդլայնումների հետ, որոնց շնորհիվ բացառվում է կիբերհարձակումների ժամանակ .RU տիրույթում IP հասցեների փոփոխումը։ Մի շարք փորձագետներ նշում են, որ Ռուսաստանի իշխանությունները վաղուց են մտադիր երկրի բոլոր օգտատերերին տեղափոխել ազգային DNS սերվերների վրա, ենթադրվում է, որ խափանումը կապված է հենց դրա հետ։
