15.09.2026 | 13:09
Աբովյան, Մասիս, Մարտունի, Վարդենիս․ հայտնի են մի շարք համայնքներում ՏԻՄ ընտրությունների օրերը
Մովսես գյուղում երկհարկանի տուն է այրվել
30.01.2024 | 22:54
Հունվարի 30-ին` ժամը 06։03-ին, Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մովսես գյուղի «Բաղեր» կոչվող թաղամասում այրվում է տուն:
ՆԳՆ ՓԾ-ից տեղեկացնում են, որ դեպքի վայր են մեկնել ՆԳՆ ՓԾ Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տավուշի հատուկ օբյեկտների պահպանության հրշեջ-փրկարարական ջոկատի Այգեպարի հրշեջ-փրկարարական խմբից և մարզային փրկարարական վարչության հրշեջ-փրկարարական ջոկատից մեկական մարտական հաշվարկ։
Պարզվել է, որ հրդեհը բռնկվել է 4-րդ փողոցի 4-րդ փակուղու երկհարկանի տներից մեկում։
Հրդեհը մեկուսացվել է ժամը 08։20-ին, մարվել՝ 10։45-ին։ Այրվել է երկհարկանի տունը (յուրաքանչյուր հարկը՝ մոտ 144 քմ) և գույքը։
