13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Արտագաղթի տեմպերը նվազել են․ Հնարավոր է՝ այս տարին մենք ամփոփենք ներգաղթով․ Բագրատ Ասատրյան․ ՏԵՍԱՆՅՈՒԹ
08.08.2018 | 16:44
Տնտեսագետ Բագրատ Ասատրյանի համար վերջին վեց ամսվա արձանագրած տնտեսական ցուցանիշները գոհացնող են տնտեսության բոլոր ճյուղերի համար, միևնույն ժամանակ, նախորդ տարվա համեմատ ակնհայտ է, որ արձանագրվել է տնտեսության աճի դրական դինամիկա․ «Ամենալավը, որ եղել է, դա շինարարության աճի բարձր տեմպն է, իսկ շինարարությունը տնտեսության բարոմետրն է։ Անհանգստացնողը, թերևս, արդյունաբերության աճի տեմպերի դանդաղեցումն է։ Կան խնդիրներ, որոնք պետք է այս օրվանից արդեն քննարկվեն, խոսքը վերաբերում է, օրինկակ, արտահանում-ներմուծում հարաբերակցության շեղմանը դեպի ներմուծման ծավալների ավելի բարձր աճ, որը պետք է անհանգստացնի»,-այսօր հրավիրված մամուլի ասուլիսի ժամանակ ասաց տնտեսագետը։
Վերջինիս խոսքով՝ իր համար արձանագրված ցուցանիշների մեջ ամենաոգևորիչն այն է, որ կտրուկ նվազել է արտագաղթի տեմպը, իսկ, եթե այս պատկերը փորձենք նաև տարվա կտրվածքով տեսնել, հնարավոր է՝ այս տարին մենք ամփոփենք ներգաղթով։
«Սա մեր տնտեսության առողջացման առաջնային ցուցիչներից մեկն է։ Անցած տարվա ընթացքում ՀՀ-ից մեկնածների բացասական սալդոն կազմել է 27 հազար մարդ, իսկ, եթե անցած տարվա արդյունքը համեմատում ենք այս տարվա հետ, ունենում ենք 6-7 հազար դրական սալդո»,-ասաց նա։
Մանրամասները՝ տեսանյութում։
