15.09.2026 | 13:42
Լարված իրավիճակ՝ Գյումրիի ավագանու նիստում․ Սիմոնյանը լքեց դահլիճը․ ՏԵՍԱՆՅՈՒԹ
Հայաստան կժամանի Չեխիայի խորհրդարանի Պատգամավորների պալատի նախագահը
Քաղաքականություն
30.01.2024 | 16:23
Չեխիայի խորհրդարանի Պատգամավորների պալատի նախագահ Մարկետա Պեկարովա Ադամովան վաղը կայցելի Հայաստան։ Այս մասին X-ում գրառմամբ հայտնել է ՀՀ-ում Չեխիայի դեսպան Պետեր Պիրունչիկը
«Սա Չեխիայից Հայաստան ամենաբարձրաստիճան այցն է ավելի քան 6 տարվա ընթացքում։ Այցի ընթացքում նա բանակցություններ կվարի Հայաստանի կառավարության բարձրաստիճան ներկայացուցիչների հետ, կայցելի հայ-ադրբեջանական սահման, կմասնակցի գործարար համաժողովին և ցուցահանդես կբացի չեխական ամրոցների և պալատների մասին»,- գրել է դեսպանը։
Նա նշել է, որ պատվիրակության կազմում են մի քանի չեխ պատգամավորներ, ընկերությունների, Առևտրի պալատի, Արդյունաբերության և առևտրի նախարարության ներկայացուցիչներ, ինչպես նաև համալսարանների (Չարլզի համալսարան և Չեխիայի տեխնիկական համալսարան) և Ազգային թանգարանի ներկայացուցիչներ։
«Այցը ցույց է տալիս մեր հետաքրքրությունն ու աջակցությունը Հայաստանին»,- ընդգծել է դեսպանը։
Էմմա Չոբանյան
