12.08.2026 | 16:23
Շանթ Սարգսյանն առաջատարների թվում է Իտալիայում
Վրաստանի նոր վարչապետի անունը պաշտոնապես հայտնի կդառնա փետրվարի 1-ին
Քաղաքականություն
30.01.2024 | 16:07
Վրաստանի խորհրդարանը փետրվարի սկզբին՝ գարնանային նստաշրջանի մեկնարկից հետո, նոր վարչապետին և նրա ներկայացրած թիմին վստահություն հայտնելու ընթացակարգ կանցկացնի։ Այս մասին հայտնել է երկրի կառավարության աշխատակազմը, գրում է Newsgergian:
Վարչապետ Իրակլի Ղարիբաշվիլին երեկ հրաժարական է տվել։ «Վրացական երազանք»-ը հաստատել է, որ իշխող կուսակցության նախագահ Իրակլի Կոբախիձեն դիտարկվում է որպես վարչապետի թեկնածու։
Ընթացակարգի համաձայն՝ խորհրդարանը երկու շաբաթ ժամանակ ունի նոր վարչապետին և նրա ներկայացրած թիմին վստահություն հայտնելու համար։
Վրաստանի Սահմանադրության համաձայն՝ վարչապետի հրաժարականի պատճառով բոլոր նախարարները դարձել են ժամանակավոր պաշտոնակատարներ։
Վարչապետի թեկնածություն առաջադրելու իրավունք ունի ընտրություններում լավագույն արդյունքները գրանցած կուսակցությունը։ «Վրացական երազանք»-ը վերջերս փոփոխություն է ընդունել, ըստ որի՝ կառավարության ղեկավարի թեկնածությունն առաջադրում է կուսակցության պատվավոր նախագահ Բիձինա Իվանիշվիլին և հաստատում Քաղաքական խորհուրդը։ Պաշտոնապես այս ամենը տեղի կունենա փետրվարի 1-ին կայանալիք կուսակցության համագումարում։ Դրանից հետո հարցը կգնա խորհրդարան։
Վստահություն ձեռք բերելու համար նախարարների նոր կաբինետին անհրաժեշտ է պարզ մեծամասնության աջակցությունը՝ 76 ձայն։
