03.06.2026 | 11:53
Էլեկտրատեխնիկայի վաճառքով զբաղվող ընկերության հարկային գործով պետությանը պատճառված 100 մլն դրամի վնասը վերականգնվել է
ՀԱՄԱՍ-ը Գազայի հատվածում զինադադարի առաջարկ է ստացել
Քաղաքականություն
30.01.2024 | 16:35
Պաղեստինյան ՀԱՄԱՍ շարժումը Գազայի հատվածում զինադադարի առաջարկ է ստացել, ուսումնասիրում է այն և պատասխան կտա։ Այս մասին ասել է շարժման քաղբյուրոյի ղեկավար Իսմայիլ Հանիեն, փոխանցում է ՌԻԱ Նովոստին։
Ավելի վաղ NBC News-ը, հղում անելով իր աղբյուրներին, հայտնել էր, որ Իսրայելը, ԱՄՆ-ը, Եգիպտոսը և Կատարը Փարիզում համաձայնեցրել են Գազայի հատվածում պատանդների փուլային ազատման նոր գործարքի հիմնական կետերը։
Նոր գործարքը ներառում է մնացած ամերիկացի և իսրայելցի պատանդների փուլային ազատ արձակում՝ սկսած կանանցից և երեխաներից, ինչպես նաև իսրայելական բանտերից պաղեստինցի բանտարկյալների ազատ արձակում, որին զուգահեռ պետք է մարտերը հետզհետե դադարեն ու մարդասիրական օգնություն ուղարկվի Գազայի հատված:
«ՀԱՄԱՍ-ի քաղբյուրոյի ղեկավարն ընդգծել է, որ շարժումը ստացել է առաջարկը, դիտարկում է այն ու պատասխան կտա՝ հիմնվելով այն բանի վրա, որ առաջնահերթություն է համարվում ընդդեմ Գազայի հատվածի կոշտ ագրեսիայի դադարեցումն ու օկուպացիոն ուժերի ամբողջական դուրսբերումը հատվածի տարածքից»,- ասվում է Հանիեի հայտարարության մեջ։
Ավելի վաղ Սպիտակ տան խոսնակ Ջոն Քիրբին հայտարարել էր, որ Իսրայելը և ՀԱՄԱՍ-ն «էականորեն մոտ են պատանդների ազատ արձակման նոր գործարքին»։ Սակայն, այլ աղբյուրների համաձայն, զինյալները մերժել են Փարիզում բանակցությունների ժամանակ ձեռք բերված պայմանավորվածությունները և պահանջում են հրադադար ու իսրայելական բանակի դուրսբերում Գազայից։
