12.08.2026 | 16:23
Շանթ Սարգսյանն առաջատարների թվում է Իտալիայում
Թուրքիայի ՊՆ նախկին ղեկավարն Ադրբեջանի պաշտպանության և ԱԳ նախարարների հետ տարածաշրջանային անվտանգության հարցեր է քննարկել
Քաղաքականություն
30.01.2024 | 13:46
Ադրբեջանի պաշտպանության նախարար Զաքիր Հասանովը նախօրեին հանդիպել է Թուրքիայի Ազգային ժողովի պատգամավոր, ՊՆ նախկին նախարար Հուլուսի Աքարին։ Ադրբեջանի ՊՆ-ի հաղորդագրության համաձայն՝ հանդիպման ժամանակ կողմերը քննարկել են տարածաշրջանային անվտանգության հարցեր։
«Հանդիպման ընթացքում քննարկվել են տարածաշրջանային անվտանգության և փոխադարձ հետաքրքրություն ներկայացնող մի շարք այլ հարցեր»,- ասվում է հաղորդագրության մեջ։
Աքարի գլխավորած պատվիրակությունը հանդիպել է նաև Ադրբեջանի ԱԳ նախարար Ջեյհուն Բայրամովին։
«Կողմերը քննարկել են Ադրբեջանի և Թուրքիայի միջև համագործակցության օրակարգը, միջխորհրդարանական հարաբերությունները և անվտանգության ոլորտում համագործակցությունը»,- ասվում է Ադրբեջանի արտաքին քաղաքական գերատեսչության հաղորդագրության մեջ։
Բայրամովն ու Աքարը նշել են երկու երկրների համագործակցության մեծ հեռանկարները բոլոր ոլորտներում, հատկապես անվտանգության և բանակաշինության ոլորտներում։ Քննարկվել են նաև երկկողմ և տարածաշրջանային այլ հարցեր։
Ավելի վաղ Աքարը հանդիպել էր նաև Ադրբեջանի նախագահ Իլհամ Ալիևին։
Էմմա Չոբանյան
