23.07.2026 | 10:44
Ռուբիոն ու Լավրովը 35 րոպեանոց հանդիպում են անցկացրել Մանիլայում․ ինչ հարցեր են քննարկվել
Փետրվարի 1-ին Վրաստանի վարչապետն ու իշխող կուսակցության ղեկավարը կփոխանակվեն պաշտոններով․ «Իմեդի»
Քաղաքականություն
29.01.2024 | 14:33
Վրաստանի վարչապետ Իրակլի Ղարիբաշվիլին և իշխող «Վրացական երազանք» կուսակցության ղեկավար Իրակլի Կոբախիձեն առաջին անգամ կփոխանակվեն պաշտոններով և այդ մասին կհայտարարեն փետրվարի 1-ին, հաղորդում է վրացական «Իմեդի» հեռուստաընկերությունը։
«Իմեդի»-ի բացառիկ տեղեկություններով՝ հունվարի 24-ին տեղի է ունեցել «Վրացական երազանք» կուսակցության քաղխորհրդի նիստը, որի ժամանակ որոշվել է կուսակցության համագումարն անցկացնել փետրվարի 1-ին։
«Ըստ մեր տեղեկությունների՝ երկրի ցարչապետի թեկնածուի պաշտոնում կառաջադրվի կուսակցության նախագահ Իրակլի Կոբախիձեն, իսկ կուսակցության նախագահի պաշտոնը կզբաղեցնի ներկայիս վարչապետ Իրակլի Ղարիբաշվիլին»,- հայտնում է «Իմեդին»։
Վրացական լրատվամիջոցները նման հնարավոր փոփոխությունների պատճառը համարում են երկրում մոտալուտ խորհրդարանական ընտրությունները, որոնք նախանշված են հոկտեմբերի 26-ին։
Վրաստանում խԽորհրդարանական ընտրություններն առաջին անգամ կանցկացվեն միայն համամասնական ընտրակարգով՝ 5 տոկոս նվազագույն շեմի սահմանմամբ։
