03.06.2026 | 12:04
Ամերիաբանկը AMX Awards 2026-ում արժանացել է չորս մրցանակի
ՌԴ-ի և Ուկրաինայի միջև բանակցությունները հնարավոր են 2024 թվականին․ ՆԱՏՕ-ի նախկին բարձրաստիճան զինվորական
Քաղաքականություն
29.01.2024 | 13:46
Ե՛վ Ռուսաստանը, և՛ Ուկրաինան հյուծված են պատերազմից, ինչը հավանական է դարձնում, որ նրանք խաղաղ բանակցություններ կսկսեն այս տարվա վերջին: Նման կարծիք է հայտնել Եվրոպայում ՆԱՏՕ-ի ուժերի նախկին գլխավոր հրամանատար Ջեյմս Ստավրիդիսը WABC 770 AM ռադիոկայանին տված հարցազրույցում, փոխանցում է DW-ի ռուսական ծառայությունը։
«Կարծում եմ, որ մինչև տարեվերջ, միգուցե ԱՄՆ ընտրություններից հետո, մենք կունենանք պոտենցիալ բանակցությունների պահ»,- ասել է Ստավրիդիսը։
Նա հավելել է, որ և՛ Ռուսաստանը, և՛ Ուկրաինան դժվարություններ են ապրում և օգնություն են ստանում երրորդ կողմից, «սակայն, հավանաբար, կհետաձգեն բանակցությունները»։
Եվրոպայում ՆԱՏՕ-ի ուժերի նախկին գլխավոր հրամանատարի կարծիքով՝ Ռուսաստանի և Ուկրաինայի միջև պատերազմը կարող է ավարտվել «կորեական պատերազմի պես, ինչը նշանակում է, որ Ռուսաստանը կվերահսկի Ուկրաինայի որոշակի հատվածը, Ղրիմը, ցամաքային կամուրջը դեպի Ռուսաստան»։
«Մյուս կողմից, ես ենթադրում եմ, որ Ուկրաինան կմիանա ՆԱՏՕ-ին: Կարծում եմ, որ այդ գործարքի ուրվագծերը, հավանաբար, ավելի պարզ կդառնան այս տարվա ընթացքում»,- հավելել է Ստավրիդիսը:
The Hill-ի հիշեցնում է, որ 2023 թվականի դեկտեմբերին Ջեյմս Ստավրիդիսը նույն ռադիոհաղորդման ժամանակ կոչ է արել ավելի շատ օգնություն ցուցաբերել Ուկրաինային, իսկ այն պատճառները, որոնց համար պայքարում է Կիևը, անվանել է «արդար»:
