13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
ՃՏՊ՝ Օհանովի փողոցում․ կան տուժածներ
28.01.2024 | 20:54
Հունվարի 28-ին, ժամը 17:49-ին Ճգնաժամային կառավարման ազգային կենտրոն ահազանգ է ստացվել, որ Երևանի Օհանովի փողոցում տեղի է ունեցել ՃՏՊ․ անհրաժեշտ է փրկարարների օգնությունը։ Այս մասին հաղորդում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Mazda» մակնիշի ավտոմեքենան դուրս է եկել ճանապարհի երթևեկելի հատվածից, բախվել չշահագործվող շինության պատին և մոտակա ավտոտնակին՝ վնասելով վերջինիս դուռը և ներսում կայանած «Ford» մակնիշի ավտոմեքենան։
Մինչ փրկարարների կանչի վայր հասնելը՝ «Mazda» մակնիշի ավտոմեքենայի վարորդին և ուղևորին տեղի ուժերով դուրս են բերել ավտոմեքենայից։
Փրկարարներն ուղևորին ցուցաբերել են առաջին բուժօգնություն, տուժածներին մոտեցրել շտապօգնության ավտոմեքենային, փակել ավտոմեքենայի գազի բալոնի փականը և սահմանազատել տարածքը։
