06.09.2026 | 17:04
Հայտնի է ֆուտզալի Հայաստանի հավաքականի կազմը
Փաշինյանը նոր Սահմանադրություն է ուզում․ Ադրբեջանի կոպիտ հարկադրա՞նք, թե՞ ՀՀ-ի շահերից բխող պրոցես․ ՏԵՍԱՆՅՈՒԹ
Քաղաքականություն
26.01.2024 | 21:32
Նիկոլ Փաշինյանը հայտարարում է ոչ թե սահմանադրական փոփոխություն անելու, այլ նոր Սահմանադրություն ընդունելու մտադրության մասին։ Նոր Սահմանադրության պատճառը, ըստ նրա, ռեգիոնի և աշխարհի փոփոխություններն են, որոնք անհրաժեշտ է կառավարել ՀՀ պետական շահերին համապատասխան։ Փաշինյանն ասում է, թե պետք է ՀՀ-ն ավելի կենսունակ դարձնել գեոպոլիտիկ և ռեգիոնալ նոր պայմաններում։
ՀՀ ԱԳ նախարար Արարատ Միրզոյանն օրերս ընդունեց, որ նոր Սահմանադրություն ընդունելու գործընթացը կապ ունի հայ-ադրբեջանական բանակցությունների հետ։ Ըստ երևույթին, Ադրբեջանը խնդիրներ է տեսնում Հայաստանի Անկախության հռչակագրի մեջ, որտեղ հիշատակում կա նաև Հայաստանի և Արցախի վերամիավորման մասին։
Իր հերթին, ՀՀ իշխանությունը տեսել է խնդրահարույց ձևակերպումներ Ադրբեջանի Սահմանադրությունում։ Բայց արդյո՞ք Բաքուն կփոխի իր Սահմանադրությունը, օրինակ՝ հռչակելով իրեն սովետական Ադրբեջանի իրավահաջորդ։ Հայաստանին անհրաժե՞շտ է, արդյոք, նոր Սահմանադրություն, և պե՞տք է, արդյոք, նախաբանից հեռացնել Անկախության հռչակագրին հղումը։
Factor TV-ում հրավիրված քննարկմանը մասնակցում են Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը, փաստաբան Վարազդատ Հարությունյանը, «Միացյալ Հայաստան» կուսակցության փոխնախագահ Վարդան Խաչատրյանը, քաղաքագետ Էդգար Վարդանյանը, իրավապաշտպան, ՀՀ առաջին օմբուդսմեն Լարիսա Ալավերդյանը։
Մանրամասները՝ տեսանյութում։
