14.08.2026 | 00:08
Կոնֆերենցիաների լիգա. «Նոան» պարտվեց «Սյոնին» ու դուրս մնաց պայքարից. ՏԵՍԱՆՅՈՒԹ
Ռոբերտ Քոչարյանին թույլ չեն տալիս հեռախոսով խոսել կամ տեսնել հարազատներին, պաշտպանը որոշումը կբողոքարկի
Քաղաքականություն
08.08.2018 | 12:22
Հանրապետության 2-րդ նախագահ Ռոբերտ Քոչարյանի պաշտպանների խմբին վերջերս միացած փաստաբան Հայկ Ալումյանը պատրաստվում է բողոքարկել այն որոշումը, որով արգելվում է իր պաշտպանյալին տեսակցել հարազատներին։
«Թեև գործով զբաղվող քննիչը անցյլալ ուրբաթ ասաց, որ որոշման օրինակն ուղարկել է ինձ, սակայն, ես այն դեռ չեմ ստացել։ Երբ ստանամ, ծանոթանամ այնտեղ ներկայացված պատճառաբանություններին, անպայման բողոքարկելու եմ։ Իմ պաշտպանյալը զրկված է ոչ միայն իր հարազատներին տեսակցելու, այլ նաև հեռախոսային զրույցներ ունենալու հնարավորությունից»,-Factor.am-ի հետ զրույցում ասաց պաշտպանը։
Վերջինս նշեց, որ կալանավորումից մինչ այսօր Ռոբերտ Քոչարյանը կարողացել է շփվել միայն իր պաշտպանյալների և քննիչի հետ։
«Գրեթե ամեն օր եսև մյուս փաստաբանները լինում ենք նրա մոտ, որովհետև բավականին մեծ ծավալի նյութ կա ուսումնասիրելու»,-նկատեց Ալումյանը։
Հիշեցնենք, որ Ռոբերտ Քոչարյանը կալանավորվեց հուլիսի 28-ին՝ Երևանի Շենգավիթի ընդհանուր իրավասության դատարանի դատավոր Վաչե Մարգարյանի որոշմամբ։
