14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Սաուդյան Արաբիան շարունակում է նավթ մատակարարել Կարմիր ծովով․ Bloomberg
Քաղաքականություն
26.01.2024 | 23:17
Սաուդյան Արաբիայի ազգային նավթային ընկերությունը՝ Saudi Arabian Oil Group-ը (Saudi Aramco) շարունակում է նավթ մատակարարել Կարմիր ծովով, չնայած Եմենի արմատական Անսար Ալլահ շարժման (հութիների) հարձակումներին: Այս մասին հայտնում է Bloomberg-ը։
«Մենք շարժվում ենք Կարմիր ծովով նավթի և նավթամթերքի մեր բեռներով»,- ասել է Մուհամմեդ ալ-Քահթանին, որը ղեկավարում է Saudi Aramco-ի նավթավերամշակման, առևտրի և շուկայավարման բաժինները:
Նա ուղեկցող ռիսկերն անվանել է «կառավարելի»:
Ըստ գործակալության՝ դա հակասում է այլ երկրների որոշմանը, որոնք հրաժարվել են նավարկությունից Կարմիր ծովում հութիների դեմ ԱՄՆ-ի և Մեծ Բրիտանիայի պատասխան հարձակումներից հետո։ Ի պատասխան՝ գրոհայինները հայտնել են, որ իսրայելական նավերի հետ հարձակման են ենթարկվելու երկու երկրների նավերը։
Սաուդյան Արաբիայի դիրքը (Կարմիր ծովը՝ արևմուտքում և Պարսից ծոցը՝ արևելքում) դժվարացնում է այլ ուղիների օգտագործումը։ Saudi Aramco-ն պարբերաբար հում նավթ և վառելիք է առաքում Պարսից ծոցից, որտեղ գտնվում են նրա ամենամեծ նավթահանքերը և խոշոր նավթավերամշակման գործարանները:
