07.10.2026 | 13:16
Վարդաձորի դպրոցի միջադեպը կուսումնասիրեն, ուսուցչուհուն կարող են զրկել մանկավարժական գործունեության իրավունքից
Ուկրաինան 2024 թվականին հարձակում կգործի. ԱՄՆ Պետքարտուղարություն
Քաղաքականություն
26.01.2024 | 16:46
2024 թվականին Ուկրաինայի հաղթանակի ռազմավարական արշավը կլինի հարձակողական ու հիմնված կլինի այն բանի վրա, ինչ ձեռք է բերվել 2023 թվականին։ Այս մասին հայտարարել է Եվրոպայի ու Եվրասիայի հարցերով ԱՄՆ պետքարտուղարի օգնական Ջեյմս Օ՛Բրայենը, փոխանցում է VOA-ն։
Պաշտոնյան հիշեցրել է Ուկրաինայի Զինված ուժերի՝ դեպի Սև ծով ելք ապահովելու հարցում հաջողությունը և ժամանակավորապես օկուպացված Ղրիմն Ուկրաինայի դեմ օգտագործելու՝ Ռուսաստանի կարողության ապակայունացումը։
Օ՛Բրայենը նաև նշել է 2023 թվականին Ուկրաինայի տնտեսության աճը և Կրեմլի տնտեսագետներին անվանել «շատ տաղանդավոր», քանի որ նրանց մինչ օրս հաջողվում է «պահել նախագահ Վլադիմիր Պուտինին» և ներմուծման մակարդակը պահել գրեթե նախապատերազմական մակարդակին:
Հարցին՝ արդյո՞ք ԱՄՆ-ն ունի «պլան Բ», եթե Կոնգրեսը, այնուամենայնիվ, չհաստատի Ուկրաինայի լրացուցիչ ֆինանսավորումը, Օ՛Բրայենը պատասխանել է, որ ցանկանում է ձեռնպահ մնալ «պլան Բ»-ն քննարկելու գայթակղությունից։
Միաժամանակ, նա հույս է հայտնել, որ անհրաժեշտ քվեարկությունը տեղի կունենա մոտ ապագայում։
