24.07.2026 | 15:03
Ռումինիայի երկնքում ԱԹՍ է խոցվել. սա Ուկրաինայում պատերազմից ի վեր առաջին դեպքն է
Գերմանիայում ադրբեջանցի քաղաքական էմիգրանտները Բաքվում կալանավորումների դեմ բողոքի ակցիաներ են անցկացրել
Քաղաքականություն
26.01.2024 | 23:02
Գերմանիայի Պասաու և Դեգենդորֆ քաղաքներում մի խումբ ադրբեջանցի քաղաքական էմիգրանտներ բողոքի ակցիաներ են անցկացրել՝ կապված Ադրբեջանում քաղաքական կալանավորումների հետ։ Ադրբեջանական լրատվամիջոցների հետ զրույցում ակցիայի կազմակերպիչներից Ռովշան Թամրազովն ասել է, որ ակցիայի մասնակիցներն այդպիսով ընդգծում են Ադրբեջանում բռնաճնշումների ալիքը։
Քաղաքական ակտիվիստները հայտնել են, որ ռեպրեսիաների ալիքն ուժեղացել է տնտեսագետ Գուբադ Իբադօղլուի կալանավորումից հետո։ Նրանք բողոքել են նաև «Kanal 13»-ի ղեկավար Ազիզ Օրուջովի, «AbzasMedia»-ի աշխատակիցներ Ուլվի Հասանլիի, Սևինջ Վագիֆքըզիի, Նարգիզ Աբսալամովայի, Էլնարա Գասիմովայի, Հաֆիզ Բաբալիի և Մուհամմադ Կեկալովի կեղծ մեղադրանքներով կալանավորումների և ԶԼՄ-ների նկատմամբ բռնաճնշումների դեմ։
Ակցիայի մասնակիցները ելույթներից հետո վարկարկել են «Վե՛րջ լրագրողների տեռորին», «Ազատությո՛ւն քաղբանտարկյալներին», «Վե՛րջ բռնապետությանը»։
«Մենք ցանկանում էինք գերմանական լրատվամիջոցների և տեղի բնակչության ուշադրությունը հրավիրել Ադրբեջանում տիրող իրավիճակի վրա։ Մենք ուզում էինք, որ նրանք իմանան, որ Ադրբեջանում կա Իլհամ Ալիև անունով բռնապետ, և ամեն ինչ կախված է նրա կամքից»,- ասել է ակցիայի մեկ այլ մասնակից՝ Էլշան Դադաշովը։
Ակցիաներն անցկացվել են հանրային մարդաշատ վայրերում։
Էմմա Չոբանյան
