01.11.2024 | 23:19
Հրդեհ Գյումրու տներից մեկում
Պակիստանը լայնածավալ զորավարժություններ է սկսել
Քաղաքականություն
26.01.2024 | 22:33
Պակիստանի ռազմածովային ուժերն Արաբական ծովում սկսել են «Sea Spark 2024» լայնածավալ զորավարժությունները՝ գնահատելու իրենց զորքերի մարտական պատրաստվածությունն ու ռազմավարական հնարավորությունները: Այս մասին հայտնում է երկրի Պաշտպանության նախարարություն, փոխանցում է ՏԱՍՍ-ը:
Զորավարժությունները ներառում են նավատորմի, ծովային անվտանգության միջոցների, հատուկ նշանակության ուժերի և ծովային հետևակի կորպուսի բոլոր միջոցների օգտագործումը:
Վարժանքների ծրագրով նախատեսված է հրետանային կրակ, վերջրյա նավերի ու սուզանավերի դեմ օպերացիա, ինչպես նաև ծովային դեսանտի իջեցման գործողության մշակում։
««Sea Spark 2024» զորավարժությունները կբարձրացնեն Պակիստանի ռազմածովային նավատորմի, ռազմաօդային ուժերի և բանակի մարտական փոխգործունակությունը, ինչն էլ կբարելավի տարածաշրջանային խաղաղությունն ու անվտանգությունը»,- ասվում է մամուլի հաղորդագրության մեջ:
Հիշեցնենք, որ հունվարին Իրանն ու Պակիստանը հարվածներով էին փոխանակվել։ Իրանը հունվարի 16-ին ԱԹՍ-ներով ու հրթիռներով հարվածներ էր հասցրել Պակիստանի տարածքին։ Իրանի հարձակումից երկու օր անց Պակիստանը հարվածել էր Իրանում յոթ թիրախների։
