12.08.2026 | 11:53
2026 թվականի ավարտին Հայաստանում կգործեն 27 երիտասարդական միջավայրեր. ԿԳՄՍ նախարարի ուղերձը
ՌԴ-ում առաջին դատավճիռն է կայացվել «անցանկալի ԶԼՄ-ին» հարցազրույցի համար
Քաղաքականություն
25.01.2024 | 20:32
ՌԴ Բուրյաթիայի Օկտյաբրսկի դատարանը որոշում է կայացրել Բուրյաթի իրավապաշտպան Նադեժդա Նիզովկինայի դեմ հարուցված վարչական գործով։ Նա մեղավոր է ճանաչվել «անցանկալի կազմակերպության» գործունեությանը մասնակցելու հոդվածով և տուգանվել 5 հազար ռուբլու չափով։ Այս մասին գրում է DW-ի ռուսական ծառայությունը՝ վկայակոչելով դատարանի կայքում տեղադրված որոշումը։
Փաստաթղթի համաձայն՝ Նիզովկինան մասնակցել է «անցանկալի կազմակերպության» գործունեությանը՝ խոսելով «Դոժդ» հեռուստաալիքի եթերում՝ մանկատանը բուրյաթցի ակտիվիստ Նատալյա Ֆիլոնովայի որդեգրած որդու ծեծի մասին մեկնաբանությամբ։
Ըստ Mediazona-ի՝ սա ռուսական իշխանությունների կողմից «անցանկալի» հայտարարված լրատվամիջոցին մեկնաբանություն տալու համար այս հոդվածով արձանագրություն կազմելու առաջին հայտնի դեպքն է:
Նադեժդա Նիզովկինան դեռևս Ռուսաստանում է։ Անցյալ տարվա դեկտեմբերին նա արդեն տուգանվել էր նույն հոդվածով «Անցանկալի կազմակերպություն» հայտարարված «Հետռուսաստանյան ազատ պետությունների ֆորումում» ելույթ ունենալու համար։ Տուգանքն այն ժամանակ ևս կազմել է 5 հազար ռուբլի։
